МЧС Беларуси
МЧС Беларуси
Учреждение Минское областное управление МЧС Республики Беларусь
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Каб Новы год быў без смутку і клопат (Мядзельскі раён)
На двары снежань. Не за гарамі Новы год і пераднавагоднія клопаты, а святочны тыдзень ператвараецца для нас у прыемную карусель яркіх уражанняў. Так бывае амаль заўсёды. Але ж здараецца так, што ў гэтай перадсвяточнай мітусні людзі напрач забываюць аб зімовых небяспеках. Таму наша задача нагадаць асноўныя правілы бяспечных паводзін. І гэта, у чарговы раз, паспрабавалі зрабіць работнікі Мядельскага раённага аддзела па надзвычайных сітуацыях у рамках акцыі «Бяспечны Новы год!».
12 снежня работнікі МНС сустрэліся з навучэнцамі ўстаноў адукацыі «Занарацкая сярэдняя школа» і «Старлыгская сярэдняя школа імя Івана Аніські». Падчас «бяспечных урокаў» хлопчыкі і дзяўчынкі разам з ратавальнікамі ўспомнілі як паставіць «бяспечную навагоднюю ёлку», што рабіць, каб не апынуцца ў бальніцы з-за петарды ці феерверка, чаму не варта гуляць на лёдзе, як не змерзнуць у моцны мароз і што рабіць, калі надзвычайная сітуацыя ўсё ж адбылася.
– Рабяты, хутка будзе свята. А якое гэта свята? – звярнуўся да прысутных работнік МНС.
– Новы год, – дружна адказалі хлопчыкі і дзяўчынкі.
– Новы год чароўны, цудоўны... А яшчэ ён які?
– Радасны, вясёлы, казачны…
– А вы ведаеце, што ёсць небяспечныя цацкі, ад якіх можа ўспыхнуць пажар і свята не будзе. Давайце з вамі пагуляем у гульню «Топаем, пляскаем». Калі я назаву бяспечныя прадметы – мы будзем пляскаць у ладошы, калі небяспечныя – будзем тупаць нагамі.
Дзеці з цікавасцю і азартам прыняліся гуляць у гульню. Але на гэтым мерапрыемствы не закончыліся – работнікі МНС прапанавалі дзеткам апынуцца ў вобразе герояў мультфільма “Чароўная кніга” і тым самым успомніць пра тое, што святочны салют можа прывесці да сумных наступстваў. У завяршэнні мерапрыемстваў дзеці атрымалі з рук ратавальнікаў маляўнічыя буклеты і размалёўкі.
Будь готов
Другие новости
