- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99
- minobl@mchs.gov.by
У цэнтры ўвагі – шматдзетныя сем’і (Нясвіжскі раён)
Павелічэнне колькасці фактаў гібелі дзяцей на пажарах дыктуе неабходнасць актывізацыі прафілактычнай работы з катэгорыяй сем’яў, дзе выхоўваюцца непаўналетнія.
Так, 26 кастрычніка работнікі Нясвіжскага раённага аддзела па надзвычайных сітуацыях арганізавалі чарговы рэйд па дамаўладаннях шматдзетных. У ходзе візітаў прадстаўнікі службы ратавання дэталёва аналізуюць умовы пражывання такіх грамадзян: стан печаў і іншых атапляльных прылад, наяўнасць аўтаномных пажарных апавяшчальнікаў, выкананне правілаў карыстання электрычнымі прыборамі, правілы развядзення вогнішчаў на прыдамовых тэрыторыях. Акцэнт прадстаўнікі МНС робяць на правядзенні прафілактычных размоў з бацькамі, у чарговы раз заклікаючы не пакідаць малалетніх дзяцей без нагляду, выконваць правілы бяспекі самім і вучыць гэтаму сваіх сыноў і дачок. Пераканаўчым фактам такіх гутарак становяцца трагічныя прыклады гібелі дзяцей ў агні, што мелі месца на тэрыторыі краіны ў бягучым годзе.
– Памятайце: дзеці не шукаюць небяспеку, яны проста вывучаюць навакольны свет праз гульню. А таму дарослыя павінны клапаціцца, каб гэтыя “ўрокі жыцця” былі бяспечнымі. Самы дзейсны прыклад правільных паводзін – ваш асабісты, – запэўніваюць бацькоў работнікі аддзела па надзвычайных сітуацыях.
У якасці напамінку аб карыснай сустрэчы з ратавальнікамі як бацькі, так і дзеці атрымалі наглядна-выяўленчую прадукцыю на супрацьпажарную тэматыку.