МЧС Беларуси
МЧС Беларуси
Учреждение «Минское областное управление МЧС»
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99
- minobl@mchs.gov.by
Калі халады дыктуюць свае правілы… (Бярэзінскі раён)
Халодныя кастрычніцкія ночы дыктуюць свае правілы, і зараз паўсюль у жылым сектары грамадзян ад комінаў цягнецца дымок… Добра, калі дбайны гаспадар прывеў за лета сваю печку ў належны стан. А гэта зусім няцяжка – падмазаць расколіны, пабяліць комін, замацаваць топачную дзверку, вычысціць комін ад сажы.
Акрамя таго, штогод неабходна мяняць батарэйку ў апавяшчальніку і пільна сачыць за станам электрасетак у доме. Як паказвае жыццё, не ўсе домаўладальнікі звяртаюць належную ўвагу на гэтыя пытанні. Вынік – рост пажараў у асенне-зімовы час. Не ўсе людзі чытаюць мясцовую газету – такім чынам, не ведаюць сітуацыю з пажарамі ў раёне; далёка не кожны карыстаецца інтэрнэтам, дзе можна пачытаць пра прычыны ўзгаранняў. І не надта ахвотна ідуць людзі на сельскія сходы, дзе асвятляецца дадзеная тэматыка. Выхад застаецца адзін – патруляванне выратавальнікамі жылога сектара. Выхадныя дні – не выключэнне. Дапамагала працаваць ратавальнікам і Валерыя Шмарлоўская, актывістка клуба юных ратавальнікаў «Сірэна». Асаблівая ўвага аддавалася шматдзетным сем’ям, адзінокім старым, інвалідам, а таксама тым людзям, што злоўжываюць спіртным. Тут дзеля ўздзеяння на іх прымяняецца комплексны падыход: аккумуліруюцца магчымасці ратавальнікаў, сельскага Савету, міліцыянераў, раённай бальніцы. У кожным доме абавязкова пакідаем улёткі аб правілах пажарнай бяспекі, дзесьці аказваем і канкрэтную дапамогу: усталеўваем пажарныя апавяшчальнікі, мяняем батарэйкі ў іх.
Будь готов
Другие новости
