МЧС Беларуси
МЧС Беларуси
Учреждение «Минское областное управление МЧС»
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99
- minobl@mchs.gov.by
Дзяцінства – бяспечная пара! (Барысаўскі раён)
Дзяцінства – самы выдатны і бесклапотны час, аснова нашага жыцця. І пакуль ёсць дарослыя, гатовыя ўзяць на сябе адказнасць за бяспеку і дабрабыт дзяцей, дзяцінства будзе менавіта такім.
На адкрытай пляцоўцы Печынскага гарадскога Дома культуры было весела і шумна – свята бяспекі сабрала жыхароў раёна.
У рамках рэспубліканскай акцыі «Канікулы без дыму і агню» ратавальнікі запрасілі дзяцей і дарослых на навучальную інтэрактыўную пляцоўку. Работнікі МНС нагадалі хлапчукам і дзяўчатам меры бяспекі
ў перыяд летніх канікулаў, расказалі, чым небяспечныя вадаёмы і растлумачылі, як не трапіць у бяду падчас небяспечнай сітуацыі. Кожны ахвочы змог пасядзець за рулём пажарнай машыны, прымерыць баявое адзенне ратавальнікаў і зрабіць фота на памяць.
Пакуль дзеці развіваліся інтэлектуальна і фізічна, дарослыя таксама паўтаралі жыццёва важныя правілы для бяспечнай жыццядзейнасці. Работнікі МНС звярнулі ўвагу мам і тат на важнасць асабістага прыкладу ў выкананні правілаў бяспекі і заклікалі не пакідаць дзетак без нагляду.
Фінальным акордам свята стала водная феерыя ад ратавальнікаў. Работнікі МНС жадаюць дзецям і дарослым, каб лета было сонечным, яркім і, галоўнае, бяспечным!
Ратавальнікі рэгіёну гатовы прыйсці не толькі на дапамогу ў надзвычайнай сітуацыі, а таксама весела, цікава і карысна бавіць час з жыхарамі і гасцямі раёна.
Будь готов
Другие новости
