Учреждение «Минское областное управление МЧС»
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99
- minobl@mchs.gov.by
Пачатак аздараўленчага перыяду – разам з ратавальнікамі! (Бярэзінскі раён)
Летняя аздараўленчая пара Ў Бярэзінскім раёне ўзяла свой афіцыйны пачатак 12 чэрвеня ў лагеры кругласутачнага адпачынку «Папараць-кветка». З самага ранку ўсе навучальныя ўстановы раёна разгарнулі тут свае гульневыя зоны для дзяцей.
Сваю пляцоўку бяспекі арганізавалі і раённыя ратавальнікі. У рамках акцыі «Канікулы без дыму і агню» мы прапанавалі дзецям гульні, віктарыны, «майстар-клас» па надзяванні баявога адзення. Асабліва правабліваў дзяцей пажарны аўтамабіль, ля якога можна было пазнаёміцца з тэхнічным абсталяваннем, што маецца на ўзбраенні ратавальнікаў. Пасядзець у машыне – калі ласка! Сфатаграфавацца з роставай лялькай – вядома ж, можна! Пагуляць у шашкі бяспекі – запрашаем! Для ратавальнікаў ужо стала прывычным, што іх пляцоўка збірае нямала дзятвы. За ўдзел у акцыі дзеці атрымлівалі буклеты і размалеўкі, а таксама каштоўныя парады правесці лета весела і бяспечна: не ходзіць адным да вадаему, не сваволіць з запалкамі, берагчы здароўе ў спякотнае надвор’е. Надзвычай важна памятаць і дарослым пра неабходнасць сачыць за гульнямі дзяцей. Варта ведаць, што большасць трагедый з дзецьмі можна было папярэдзіць. А добрым памочнікам у справе навучання дзяцей мерам бяспекі стануць для вас мультфільмы Міністэрства па надзвычайных сітуацыях «Чароўная кніга» і «Спецатрад 112».