- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Бяспечнае дзяцінства – заклад шчаслівай будучыні (Барысаўскі раён)
Вельмі часта дзеці застаюцца адны дома. З-за няўважлівасці і неасцярожнасці часта парушаюць элементарныя нормы бяспечных паводзін. Задача дарослых – растлумачыць і расказаць аб правілах бяспекі.
На гэтым тыдні Мінскі абласны цэнтр бяспекі наведалі навучэнцы цэнтра карэкцыйна-развіваючага навучання і рэабілітацыі.
У блоку ўваходнага кантролю з правіламі бяспекі жыццядзейнасці гасцей цэнтра пазнаёміў «памочнік» работнікаў Барысаўскага гаррайаддзела па НС – Спасайка. Далей удзельнікам экскурсіі прадставілася магчымасць пагрузіцца ў розныя надзвычайныя сітуацыі і выклікаць службу выратавання з дапамогай запраграмаванага тэлефона і паразмаўляць з дыспетчарам службы МНС. Таксама навучэнцы трапілі ў дэкараваныя інсталяцыі, якія імітуюць жылы пакой з парушэннямі пажарнай бяспекі, азнаёміліся з правіламі эвакуацыі з задымленага памяшкання, прыроднымі небяспекамі, паспяхова прайшлі навальнічны калідор і калідор небяспек, даведаліся шмат новага цікавага аб рабоце ратавальнікаў.
– Ратавальнікі такія смелыя і моцныя! Іх праца вельмі патрэбная і адважная! – такі водгук пакінуў выхаванец цэнтра карэкцыйна-развіваючага навучання і рэабілітацыі Артур.
Дадому хлопцы і дзяўчаты адправіліся са станоўчымі эмоцыямі. Як адзначыла педагог навучэнцаў Марына Старадворская, дзеці з задавальненнем удзельнічалі ў інтэрактыўных формах працы, адчулі радасць усведамлення ўласных уменняў, дзякуючы праведзенай рабоце ў навучэнцаў пашырыліся і сістэматызаваліся ўяўленні па тэме бяспекі жыццядзейнасці.