- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Пра бяспеку ў любое надвор'е (Барысаўскі раён)
Дождж і вецер не перашкодзілі работнікам Барысаўскага гаррайаддзела па НС расказаць насельніцтву аб рэспубліканскай кампаніі «Дзень бяспекі. Увага ўсім!» і, канешне ж, стварыць святочную атмасферу.
Аб выкананні элементарных правілаў пажарнай бяспекі і магчымых наступствах бестурботнага стаўлення да ўласнай бяспекі распавялі ратавальнікі жыхарам і гасцям аграгарадка Лошніца падчас правядзення народнага свята «Шырокая Масленіца ».
Забаўляльна-прафілактычнае мерапрыемства не пакінула абыякавым нікога. Дзеці і дарослыя з вялікім задавальненнем прымалі ўдзел у інтэрактыўных гульнях, даведаліся як правільна ўсталяваць пажарны апавяшчальнік і надзець процівагаз, змаглі адчуць сябе ў ролі сапраўдных ратавальнікаў, пасядзець за рулём пажарнай машыны.
Пазітыўныя эмоцыі, усмешкі і добразычлівыя водгукі панавалі на пляцоўцы Лошніцкага цэнтра культуры і вольнага часу.
«Я з дзяцінства мару быць пажарным! А сёння не толькі ўбачыў сапраўдную пажарную машыну, але і змог пасядзець за рулём! Калі вырасту я абавязкова пайду працаваць у МНС!» – падзяліўся сваімі ўражаннямі юны ўдзельнік акцыі Ягор.
Работнікі сектара прапаганды гаррайаддзела па НС, таварыства ратавальнікаў-пажарных і казачныя героі нагадалі нумары тэлефонаў службы выратавання – «101» і «112», уручылі жыхарам аграгарадка памяткі і падарункі з заклікам выконваць нормы бяспекі жыццядзейнасці.