Учреждение «Минское областное управление МЧС»
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99
- minobl@mchs.gov.by
Ведаць – значыць правільна дзейнічаць пры неабходнасці (Бярэзінскі раён)
Акцыя ратавальнікаў «Дзень бяспекі. Увага ўсім!» пачалася ў Бярэзінскім раёне з правядзення мерапрыемстваў ва ўсіх школах раёна. На базе ДУА «Сярэдняя школа №2 г.Беразіно» перад старшакласнікамі выступіў работнік Мінскага абласнога ўпраўлення Міністэрства па надзвычайных сітуацыях Раман Крукаў.
Надзвычай важна весці работу менавіта з дзецьмі, бо заўтра яны – дарослыя, якім абавязкова давядзецца выкарыстоўваць веды ў жыцці. Школьнікі ўважліва слухалі інфармацыю пра парадак дзеянняў пры сігнале грамадзянская абароны «Увага ўсім!», глядзелі відэафільмы. Віктарына па правілах паводзінаў у небяспечных сітуацыях, расповед пра мабільнае прыкладанне ратавальнікаў, работа з прэзентацыямі – абавязковыя складальнікі мерапрыемства. Найбольш актыўныя ўдзельнікі акцыі атрымалі карысныя памяткі і буклеты ад ратавальнікаў і, думаецца, дапоўнілі свой «багаж ведаў».
Нагадваем: пры сігнале грамадзянскай абароны, які ўяўляе з сябе гук сірэны, неабходна тэрмінова ўключыць сродак масавай інфармацыі – радыепрыемнік, тэлевізар. Вам раскажуць, што адбылося і як трэба дзейнічаць. Таксама магчыма апавяшчэнне насельніцтва пры дапамозе рассылкі паведамленняў на мабільныя тэлефоны.