МЧС Беларуси
МЧС Беларуси
Учреждение Минское областное управление МЧС Республики Беларусь
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
"Вялікая вада"? Гэта не бяда!": як працуюць выратавальнікі Стаўбцоўшчыны
У бягучым годзе надвор'е традыцыйна "паказвае характар": сонечныя дні змяняюцца снегападамі, снег змываюць дажджы – і так па крузе. Зразумела, такія прыродныя капрызы не маглі прайсці бясследна. Пакінулі яны свой след і на тэрыторыі Стаўбцоўскага раёна: адбылося павышэнне ўзроўню вады ў рацэ Нёман. Як вынік – падтапленне прыватных падворкаў у вёсцы Новы Свержань.
Дадзеную сітуацыю адразу ўзялі на кантроль мясцовыя органы ўлады і аварыйна-выратавальныя службы. Кожны дзень праводзяцца маніторынгі сітуацыі прадстаўнікамі зацікаўленых службаў, у рамках якіх не застаюцца па-за ўвагай і растлумачальныя гутаркі з насельніцтвам.
Ратавальнікі Стаўбцоўшчыны нагадваюць жыхарам раёна пра тое, як сябе паводзіць у выпадку з'яўлення «вялікай вады».
Жыхарам прыватных жылых дамоў неабходна:
Ачысціць дрэнажныя і сцёкавыя канаўкі ад смецця, галля, лёду. Вызваліць падвальныя памяшканні ад прадуктаў харчавання і іншых рэчаў, якія могуць пацярпець у выпадку падтаплення. Акрамя таго, памятайце: у такіх памяшканнях нельга карыстацца электрапрыборамі і ўключаць асвятленне.
Што рабіць, калі дом трапляе ў зону падтаплення?
Перанесці каштоўныя і патрэбныя рэчы на гарышча або верхнія паверхі. Падрыхтавацца да эвакуацыі: узяць з сабой грошы, дакументы, сабраць неабходную вопратку, прадукты харчавання. Пры неабходнасці прадугледзець магчымасць вывазу дамашняй жывёлы з зоны затаплення.
Пры паведамленні аб эвакуацыі неабходна адключыць газ і электрычнасць, калі пакідаеце дом.
Калі вы не можаце пакінуць зону падтаплення:
Да прыбыцця дапамогі варта заставацца на верхніх паверхах, гарышчы, узвышшах і арганізаваць падачу сігналаў ратавальнікам з дапамогай сцягоў, паходняў, святла ліхтара. Калі мясцовасць знаёмая і глыбіня вады нязначная, можна паспрабаваць дайсці да будынкаў незатопленых участкаў сушы, якія ўзвышаюцца над вадой.
Пасля таго, як вада сышла, а вы вярнуліся дадому, неабходна пачаць аднаўленчыя работы. Пры гэтым варта выконваць патрабаванні тэхнікі бяспекі. Уваходзіць у будынак трэба асцярожна. Неабходна пераканацца, што ён не пацярпеў і няма рызыкі абвальвання сцен або столі. Ні ў якім выпадку нельга ўключаць электрычнасць і запальваць агонь, таму што магчымы выбух з-за ўцечкі газу. Неабходна забяспечыць прасушку ўнутраных памяшканняў, рэчаў, прыбраць смецце. Прывесці тэрыторыі і жыллё ў прыгодны для пражывання стан.
Выконвайце гэтыя простыя парады, і «вялікая вада» не стане для вас «вялікай бядой»!
Будь готов
Другие новости
