Учреждение Минское областное управление МЧС Республики Беларусь

Адреса и телефоны
220137 г. Минск, ул.Нестерова, 9а
Время работы: пн-пт 09.00-18.00
(+375 17) 246-74-04 (приемная)
(+375 17) 273-39-99, (+375 17) 273-93-65
minobl@mchs.gov.by

Территориальные управления МЧС

Департаменты

Университет МЧС

Научно-исследовательский институт пожарной
безопасности и проблем чрезвычайных ситуаций МЧС

Авиация МЧС

Республиканский отряд специального назначения «ЗУБР» МЧС

Республиканский центр сертификации и экспертизы
лицензируемых видов деятельности МЧС

Республиканский центр управления и реагирования
на чрезвычайные ситуации МЧС

Государственная инспекция по маломерным судам МЧС

Белорусская молодежная общественная организация спасателей-пожарных

Минское областное

Новости

Нагадаць, каб папярэдзіць (Мядзельскі раён)

У жыцці кожнага чалавека ёсць шмат каштоўнасцей, якімі трэба шанаваць. Гэта і першае слова дзіцяці, і яго першы малюнак, на якім заўсёды намаляваны шчаслівыя бацькі, дом, на даху якога ідзе дым, што значыць –- разведзены агонь у печы і ў доме цёпла і ўтульна. Аднак часам агонь можа павярнуцца да чалавека спіной, пакідаючы яго без даху над галавой, без усяго, што было нажыта непасільнай працай. З прыходам халадоў праблема ўзнікнення пажараў «набірае яшчэ большыя абароты».

Каб не дапусціць узнікнення пажараў, якія адбываюцца па прычыне невыканання грамадзянамі правілаў пажарнай бяспекі, работнікі Мядзельскага раённага аддзела па надзвычайных сітуацыях у суботні дзень 13 студзеня, наведалі домаўладанні жыхароў раёна, надаўшы асаблівую ўвагу домаўладанням шматдзетных сем’яў.

У першай хаце нас з усмешкай сустракае матуля трох дзяцей.

– Добры дзень! Праходзьце калі ласка. Заўсёды рада вас бачыць. Мне асцерагацца вас няма чаго. Печкі мы не топім – маем газавае ацяпленне. Але ж і не разбіраем…мала спатрэбяцца.

– А ці ёсць у Вас аўтаномны пажарны апавяшчальнік, – пытаемся.

– У нас не проста апавяшчальнікі, а цэлая сістэма. Устаналілі нам яе гады два таму назад, а нам застаецца толькі падтрымліваць яе ў працаздольным стане. Гэта ж, у першую чаргу, наша бяспека.

Апавяшчальнікі ў домаўладанні спраўныя, печка, хоць і не эксплуатуецца, але нараканняў са стараны работнікаў МНС не паступае.

Наступным нашым прыпынкам стала кватэра у гарадскім пасёлку Крывічы. Тут пражываюць маці і шасцёра дзяцей. Што датычыцца супрацьпажарнага стану кватэры, то пытанняў не ўзнікае – сям’ю ратавальнікі наведваюць часта, бо раз-пораз яна пападае ў поле зроку суб’ектаў прафілактыкі.

– Нагадаем вам, што нельга распальваць печы пры дапамозе гаручых вадкасцей. У моцныя маразы лепш цепліць іх 2 разы на дзень, а не адзін раз працяглы час. Пастаянна сачыце за спраўным станам печак і комінаў. Ачышчайце іх ад сажы. Калі з’явяцца трэшчыны ў кладцы, старанна замазвайце іх глінай. Не дазваляйце дзецям распальваць печы, не пакідайце іх без нагляду.

– Я ўсё гэта ведаю, вы мне кожны раз пра гэта кажаце, – перабівае гаспадыня.

– Усе так кажуць, але, калі глядзець на статыстычныя данныя па пажарах і гібелі людзей ад іх, мы бачым адваротную старану гэтаму «ведаю».

Далей былі толькі «пазітыўныя эмоцыі» ад таго, што ў большасці выпадкаў грамадзяне, усё ж такі, турбуюцца пра сваю бяспеку, бяспеку сваіх дзяцей, выконваючы правілы пажарнай бяспекі. Вынікам бестурботнасці грамадзян становіцца не толькі матэрыяльны ўрон, але і страта жыцця і здароўя чалавека. Каб засцерагчы сябе і сваіх блізкіх ад бяды, неабходна звяртаць увагу на любыя дробязі, а асаблівую ўвагу надаваць пытанням недапушчэння курэння ў жылых памяшканнях, асабліва ў стане алкагольнага ап'янення, сачыць за станам электрычнай праводкі і электрапрыбораў, печаў.