МЧС Беларуси
МЧС Беларуси
Учреждение «Минское областное управление МЧС»
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99
- minobl@mchs.gov.by
Дапамога храму з моцнай гісторыяй (Мядзельскі раён)
За пяць кіламетраў на паўночны ўсход ад раённага цэнтра Мядзел размяшчаецца вёска Мікасецк. Колькасць насельніцтва вёскі зусім невялікая – усяго дзесяць жыхароў. Аднак гасцям і асабліва знатакам беларускага дойлідства тут ёсць на чым спыніць позірк: мясцовая славутасць – драўляная царква Найсвяцейшай Троіцы, пабудаваная ў пачатку XX стагоддзя.
Менавіта сюды і завіталі ратавальнікі Мядзельшчы марозным ранкам 8 снежня. Для чаго? Адказ просты – аказаць дапамогу ва ўборцы снегу на тэрыторыі храма.
«Нягледзячы на тое, што вёска невялікая і жыве ў ёй так мала чалавек, у мясцовым храме працягваюцца богаслужэнні, – адзначыў намеснік начальніка раённага аддзела па надзвычайных сітуацыях Вадзім Сіняўскі. Дарогу да царквы прачысцілі дарожныя службы, мы ж, у сваю чаргу ўбралі снег з ганку, на падыходзе да храму, а таксама са страхі, каб снег ненарокам не рухнуў на галаву прыхаджанам».
Дзверы Траецкай царквы ў Мікасецку заўсёды заставаліся і застаюцца адчыненымі. За ўсю гісторыю існавання храма ў вёсцы тут не спынялася служэнне Богу, жыхары навакольных паселішчаў заўсёды маглі прыйсці сюды памаліцца ці папрасіць парады. Мікасецкая царква – гэта сімвал веры Мядзельшчыны, якая прайшла праз вайну. Таму і цікавы гэты храм не толькі вернікам, але і ўсім, хто цікавіцца турызмам і адпачынкам у Нарачанскім краі.
Будь готов
Другие новости
