МЧС Беларуси
МЧС Беларуси
Учреждение Минское областное управление МЧС Республики Беларусь
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Спецыяльны рэпартаж. Разам з рэйдам МНС наведалі поле ў Лагойскім раёне (газета "Звязда")
Не толькі ратавальнік, але і камбайнер
Кіроўца пажарнага аварыйна-ратавальнага паста нумар 12 Лагойскага раённага аддзела па НС Вадзім Размоўка падчас працоўнага водпуску ўжо каторы год перасаджваецца з пажарнай машыны на камбайн: «Падчас уборачнай кампаніі прыходжу ў ААТ «Косіна» працаваць на камбайне. З дзяцінства зацікаўлены ў такой рабоце».
Па словах Вадзіма Размоўкі, ён з 16 гадоў працуе на жніве. Таму выдатна ведае, што трэба праверыць перад ад'ездам у поле: «Перш за ўсё, калі прыходзіш да камбайна, трэба залезці наверх і агледзець рухавік, узровень масла, каб не было падцёкаў, праверыць рамяні бяспекі. Потым увесь камбайн абдзімаеш, праглядаеш шлангі, трубкі, каб цэлыя былі, чысціш агрэгат. На гэта сыходзіць гадзіна-паўтары. Перш чым выязджаць у поле, абавязкова трэба ўсё праверыць і не забыцца пра вогнетушыцелі і супрацьпажарнае палотнішча!»
Падчас рэйду супрацоўнік МНС Яўген Зелянко дэталёва агледзеў камбайн. Размова інспектара вялася з інжынерам па ахове працы і пажарнай бяспекі Андрэем Белашапкам: «Сёння камбайны ўкамплектаваныя згодна з пастановай МНС нумар 82: два вогнетушыцелі, кашмы (супрацьпажарнае палатно. — Аўт.). Арганізавана прыкрыццё: бочка з вадой на чатыры тоны, помпа-МШ прадукцыйнасцю шэсць літраў за секунду. Штодня перад выездам ажыццяўляецца прадзіманне. Таксама па меры неабходнасці яно разам з прачысткай праводзіцца і на самім полі».
Па словах інжынера па ахове працы, работнікі, якія задзейнічаны ва ўборачнай кампаніі, прайшлі пажарна-тэхнічны мінімум. Таму яны ўсе гатовыя — ведаюць, як карыстацца вогнетушыцелем, якія дзеянні неабходна ажыццяўляць у выпадку пажару.
Уся тэхніка пад прыкрыццём
«У цэлым да пачатку ўборачнай кампаніі работнікамі Міністэрства па надзвычайных сітуацыях нашага аддзела быў праведзены цэлы комплекс мерапрыемстваў, — расказаў начальнік Лагойскага раённага аддзела па надзвычайных сітуацыях Віталь Зяньковіч. — Былі наведаны ўсе сельскагаспадарчыя арганізацыі раёна. Хацелася б адзначыць, што гаспадаркі падрыхтаваны на дастаткова высокім узроўні з пункту гледжання забеспячэння пажарнай бяспекі».
Начальнік раённага аддзела акцэнтаваў, што ў аграрыяў сумесна з работнікамі аддзела наладжаны цесныя адносіны. Штодня ратавальнікі выязджаюць у сельскагаспадарчыя арганізацыі і правяраюць, наколькі добрасумленна аграрыі выконваюць патрабаванні для пазбягання ўзгаранняў. На машынах кантралюецца наяўнасць першасных сродкаў пажаратушэння, стан, спраўнасць вогнетушыцеляў, наяўнасць супрацьпажарнага палотнішча. Акрамя гэтага, праводзяцца апытанні на веданне асноўных дзеянняў у выпадку ўзнікнення пазаштатных сітуацый.
«У перыяд правядзення ўборачнай кампаніі ўборка ажыццяўляецца з прыкрыццём тэхнікі альбо сіламі самой гаспадаркі, альбо падраздзяленнямі Міністэрства па надзвычайных сітуацыях. Абсалютна ўся тэхніка працуе з прыкрыццём», — падкрэсліў Віталь Зяньковіч.
У спякотнае надвор'е любы промах можа стаць прычынай пажару. Таму МНС нагадвае асноўныя патрабаванні правілаў пажарнай бяспекі пры правядзенні ўборачнай кампаніі:
- Перад выездам у поле неабходна вырабіць візуальны агляд механізмаў камбайна, звярнуць увагу на змазку падшыпнікаў, спраўнасць кулачковых механізмаў і рамянёў, нацяжэнне транспарцёра, абарону клем акумулятара, спраўнасць ахоўнага экрана рухавіка, участкі праводкі ў месцах магчымага механічнага пашкоджання. Уся тэхніка, задзейнічаная ва ўборачнай кампаніі, павінна быць укамплектавана спраўнымі першаснымі сродкамі пажаратушэння і абсталявана іскрагасільнікам.
- У працэсе працы неабходна вырабляць ачыстку корпуса камбайна і валаў транспарцёраў, механізмаў, якія хутка рухаюцца, ад наматанай саломістай масы, пажніўных рэшткаў і пылу. Правяраць і рэгуляваць нацяжэнне прывадных рамянёў і ланцугоў, а таксама надзейнасць ахоўных агародж. Весці назіранне за следам камбайна для выяўлення магчымага загарання ў хлебным масіве.
- Пры ўзнікненні пажару ў месцах уборкі ўраджаю неабходна ў першую чаргу набраць 101, 112. Прыняць меры па ліквідацыі ўзгарання, калі гэта не пагражае жыццю і здароўю.
Данііл ХМЯЛЬНІЦКІ
Чытаць на сайце https://zviazda.by/be/news/20230818/1692372480-zhnivo-pad-znakam-byaspeki-razam-z-reydam-mns-navedal...
Будь готов
Другие новости
