- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Пераможцы віктарыны ад раённых ратавальнікаў – дзеці (Бярэзінскі раён)
Так, у мінулым 2020 годзе на пастаяннай аснове быў наладжаны выпуск дзіцячай старонкі ў газеце. Яна змяшчае парады дзя дзяцей аб правілах паводзінаў у розных сітуацыях, маляўнічыя заданні, крыжаванкі. Публікуюцца і літаратурныя творы нашых юных аўтараў, што дасылаліся дзецьмі на конкурс “Ратавальнікі вачыма дзяцей”. У адным з выпускаў дзіцячай рубрыкі быў аб’яўлены своеасаблівы конкурс-віктарына для дзетак: аўтары першых трох электронных лістоў з правільнымі адказамі атрымаюць узнагароды ад рэдакцыі і ратавальнікаў. У прызначаны час у Бярэзінскім райаддзеле па надзвычайных сітуацыях сабраліся сем’і Харытановіч, Семеняка, Маркоўскіх, Вянглінскіх.
Вітаючы прысутных, начальнік Бярэзінскага РАНС Мікалай Андрыевіч сказаў:
- Дзякуй вам за ўдзел у віктарыне і навучанне дзяцей з самага маленства правілам бяспечнага жыцця. Гэта надзвычай важна дзеля іх будучыні. Толькі ў маленстве асноўныя правілы і законы існавання засвойваюцца трывала і назаўжды!
Цеплыя словы падзякі сказала і галоўны рэдактар раёнкі Юлія Букель. Кожная сям’я атрымла ад рэдакцыі салодкі падарунак і падзяку, ад ратавальнікаў – карысныя рэчы ў залежнасці ад узросту дзіцяці. Расказалі сем’ям і пра часопіс “Юны ратавальнік”, які таксама прапануе, акрамя мноства цікавай інфармацыі пра бяспеку, нямала конкурсаў і віктарын.