МЧС Беларуси
МЧС Беларуси
Учреждение Минское областное управление МЧС Республики Беларусь
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Алкаголь цыгарэце не таварыш (Мядзельскі раён)
Пажары па прычыне неасцярожнага абыходжання з агнём заўсёды звязаны з легкадумнасцю і безуважлівасцю чалавека. Відавочна, цалкам пазбегнуць падобных здарэнняў ніколі не атрымаецца. Аднак знізіць верагоднасць пажару ў побыце цалкам магчыма. Усё, што для гэтага трэба – простая свядомасць, а таксама дакладнае разуменне таго, як шмат залежыць ад кожнага канкрэтнага чалавека ў гэтым пытанні.
17 лістапада ў рамках акцыі “Не прапальвай сваё жыццё” адбылося пасяджэнне савета грамадскага пункта аховы правапарадку пры Княгінінскім сельскім выканаўчым камітэце. Многія з прысутных неаднаразова разглядаліся на камісіі, мелі праблемы з законам, але іх чамусьці гэта не спыняе і грамадзяне працягваюць выпіваць і скандаліць.
Перш чым пачаць прадметную размову аб прычынах узнікнення большасці пажараў і мерах, якія дазваляюць пазбегнуць ці хаця б знізіць колькасць вогненных здарэнняў, работнікі Мядзельскага раённага аддзела па надзвычайных сітуацыях прадставілі аператыўную абстаноўку з пажарамі і гібеллю людзей ад іх па Рэспубліцы, Мінскай вобласці і Мядзельскім раёне.
Падчас выступлення ўвага аўдыторыі была звернута на той факт, што ў абсалютнай большасці сваёй трагедыі адбываюцца ў жылым сектары і па віне самога чалавека – аб гэтым сведчыць “Карта падпаленых недакуркаў”, якая была прадстаўлена прысутным у гэты дзень. “З надыходам халадоў галоўнай прычынай пажараў, з'яўляецца парушэнне правілаў устройства і эксплуатацыі печаў, цеплагенерыруючых агрэгатаў і прылад. Адной з прафілактычных мер, акрамя элементарнага навядзення супрацьпажарнага парадку ў домаўладаннях, з'яўляецца ўстаноўка ў дамах аўтаномных пажарных апавяшчальнікаў, якія выратавалі шмат жыццяў, своечасова сігналізуючы аб узгаранні” – звярнулі ўвагу прысутных выратавальнікі.
Падчас пасяджэння асаблівая ўвага ўсё ж была нададзена тым, хто злоўжывае спіртнымі напоямі і, не задумваючыся пра наступствы, курыць у ложку, раскідвае недакуркі дзе ўздумаецца.
На мерапрыемстве таксама прысутнічаў участковы інспектар раённага аддзела ўнутраных спраў і ўрач – нарколаг установы аховы здароўя “Мядзельская цэнтральная раённая бальніца”, якія, у сваю чаргу, правялі індывідуальную прафілактычную работу з “асаблівым кантынгентам”.
У кожнага свая гісторыя, месцамі сумная. Але, калі ацэньваць сітуацыю аб'ектыўна, ва ўсіх бедах вінаватыя самі. Справа ў нежаданні змяніць сваё жыццё. А бо варта толькі захацець, і дапамога прыйдзе. Хочацца верыць, што пасля пасяджэння савета грамадскага пункта аховы правапарадку гэтыя людзі задумаюцца пра ўласную будучыню.
Будь готов
Другие новости
