- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Пра бяспеку на дарогах і не толькі…(Стаўбцоўскі раён)
Таму і не выклікае здзіўлення тое, што ў рамках правядзення агульнага сходу Стоўбцоўскага раённага аддзела па надзвычайных сітуацыях была арганізавана сустрэча ратавальнікаў з прадстаўнікамі Дзяржаўтаінспекцыі раённага аддзела ўнутраных спраў. Інспектар ДПС чарговы раз нагадаў пра неабходнасць выканання правілаў дарожнага руху, тым больш, што ратавальнікі як ніхто іншы разумеюць: правілы бяспекі – правілы жыцця. Дарэчы, выконваць правілі дарожнага руху неабходна як на сваім, так і на рабочым транспарце. Акрамя таго, прадстаўнік ДПС закрануў і пытанне кіравання транспартным сродкам у стане алкагольнага ап’янення. А тым, хто любіць прайсціся пешшу, нагадаў пра неабходнасць абазначыць сябе флікерам.
Яшчэ адным выступаючым стаў Аляксандр Губанаў – чалавек, які яшчэ не так даўно першым даведваўся пра надзвычайныя сітуацыі ў раёне ў той момант, калі прымаў тэлефонныя званкі на нумар “101”. Аляксандр Пятровіч, ужо былы дыспетчар цэнтра аператыўнага кіравання, сёння афіцыйна сказаў “Да пабачэння!” Стаўбцоўскаму раённаму аддзелу па надзвычайных сітуацыях.
– Амаль 29 год я правёў на месцы дыспетчара. Многае змянілася за такі доўгі час: і тэхніка, і аварыйны інструмент, і форма, і нават людзі, - адзначыў Аляксандр Губанаў. – Аднак радуе той момант, што чалавечыя якасці кожнага ратавальніка не мянюцца з цягам часу. Кожны з вас – гэта чалавек, на якога я магу разлічваць у любой жыццёвай сітуацыі. І я жадаю, каб наш калектыў і далей заставаўся надзейным тылам для людзей, якія трапляюць у цяжкія сітуацыі, і надзейнай апорай для кожнага з нас.
Са словамі ўдзячнасці за службу да Аляксандра Пятровіча звярнуўся начальнік аддзела Андрэй Герасіменка.
– Паважаны Аляксандр Пятровіч, сёння мы можам сказаць Вам толькі “Дзякуй!” за Вашу працу, службу, за Ваш вопыт. Будзем спадзявацца, што гэта наша не апошняя сустрэча – дзверы нашага аддзела заўсёды адчынены для Вас!
Вось такім рознабаковым атрымаўся сход ратавальнікаў Стаўбцоўскага гарнізона.