- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Бяспечна жыць пачынаем з дзяцінства! (Стаўбцоўскі раён)
І хоць усе мы пагаджаемся з тым, што адказнасць зя бяспечныя ўмовы ў большасці сваёй нясуць дарослыя – падрастаючае пакаленне таксама не застаецца ў старонцы. Так, чарговая сустрэча ў рамках Дня прафілактыкі негатыўных з’яў у падлеткавым асяроддзі прайшла ў Вішнявецкай сярэдняй школе. Да хлопчыкаў і дзяўчынак завіталі прадстаўнікі самых розных структур, каб нагадаць – жыць неабходна бяспечна!
Інтэрактыўны ўрок “Дзень бяспекі з ратавальнікамі” прайшоў у сёмым класе. З вучнымі праводзілі пазнавальна-забаўляльныя гульні, дэманстравалі тэматычныя відэафільмы, прапанавалі прайсці тэсціраванне і ўзгадаць правілы паводзін пры ўзнікненні надзвычайных сітуацый.
Канешне, спачатку дзеці імкнуліся даказаць, што і так “добра ўсё ведаюць і выконваюць”. Аднак трагічныя прыклады з жыцця з’явіліся доказам таго, што да “усёведання” нам яшчэ вельмі далёка. Таму сустрэчы бяспекі будуць працягвацца, каб даць магчымасць кожнаму з нас даведацца, узгадаць, выправіць…
Усе мы разумеем, што кожны сам выбірае свой шлях. Але давайце імкнуцца да таго, каб шлях гэты быў, акрамя ўсяго, яшчэ і бяспечным!