- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Інфармацыя не бывае лішняй! (Мядзельскі раён)
А гэта і пажарна-прафілактычная работа ў жыллёвым фонде, і правядзенне сустрэч з насельніцтвам падчас выступленняў у працоўных калектывах, на бацькоўскіх і сельскіх сходах. Чарговая сустрэча з працоўным калектывам сельскагаспадарчага прадпрыемства Мядзельскага раёна адбылася 28 кастрычніка ў рамках акцыі “За бяспеку разам”. Перад прысутнымі малочна-таварнай фермы “Рудзевічы” выступіў выконваючы абавязкі начальніка Мядзельскага раённага аддзела па надзвычайных сітуацыях Юрый Іванавіч Вашкінэль.
Прывёўшы прыклады статыстычных дадзеных па пажарах і гібелі людзей у вобласці і раёне, ён падрабязна патлумачыў трагічныя наступствы, якія хаваюцца за сухімі лічбамі і тыя правілы і патрабаванні, дзякуючы якім іх удалося б пазбегнуць. Нагадаў Юрый Іванавіч правілы бяспечных паводзін пры эксплуатацыі пячнога ацяплення, электрасетак і электраабсталявання, распавёў пра ўстаноўку і абслугоўванне аўтаномнага пажарнага апавяшчальніка, а таксама прапанаваў усім прысутным, хто мае смартфоны ўсталяваць на іх мабільны дадатак “МНС Беларусі: дапамога побач”. Акрамя гэтага звярнуўся да прысутных з просьбай ні ў якім выпадку не пакідаць дзяцей без нагляду.
У канцы свайго выступу Юрый Вашкінэль нагадаў пра тое, што ў перыяд ацяпляльнага сязона неабходна надаваць пільную ўвагу ацяпляльнаму абсталяванню, як на вытворчасці, так і ў сваіх домаўладаннях. Кожны ўдзельнік мерапрыемства атрымаў памяткі з нумарамі тэлефонаў выкліку службы выратавання і мерах пажарнай бяспекі.