- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Зернеўборка – справа ўсенародная! Яе бяспека – таксама (Бярэзінскі раён)
Важкія сілы і матэрыяльныя сродкі кінутыя на ўсенародную справу зернеўборкі, і прайсці яна павінна ў бяспечных умовах. А для гэтага патрэбныя не толькі веды, але і самадысцыпліна рабочых. Своечасова чысціць машыны, не дапускаць курэння ў недазволеных месцах, валодаць ведамі пра паводзіны пры ўзгаранні – той мінімум, які павінен бездакорна выконвацца людзьмі. Што датычыцца кіраўнікоў гаспадарак, то ад іх залежаць працэс навучання людзей, забеспячэнне тэхнікі і месцаў сушкі зерня сродкамі пажаратушэння, выкананне ўсеагульнага супрацьпажарнага рэжыму і многае іншае. Штодня бярэзінскія ратавальнікі выязджаюць у палі і на зернесушыльныя комплексы. Правяраюцца камбайны на наяўнасць сродкаў пажаратушэння, з работнікамі праводзяцца інструктажы аб мерах паводзінаў пры пазаштатнай сітуацыі. Частка прадпрыемстваў самастойна забяспечыла наяўнасць у полі машын для тушэнні ўзгарання, частцы дапамагае тэхніка Бярэзінскага райаддзела па надзвычайных сітуацыях.
Быць асабліва ўважлівымі да працуючай збожжаўборачнай тэхнікі, своечасова чысціць яе механізмы, не курыць у полі, на тэрыторыі зернесушылак – да выканання гэтых нескладаных правіл заклікаюць ратавальнікі ўсіх аграрыяў.