- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
“Як жывецца вавёрачцы ў Клецку?”
Больш за паўгода новая ніфармацыйна-прапагандысцкая кампанія МНС “Не чакай вавёрачку – тушы недакурак” звяртае ўвагу грамадзян на тое, што незатушаныя цыгарэты могуць стаць прычынай вялікай бяды ці непапраўнай трагедыі.
Шматлікія банеры, лістоўкі і іншыя наглядна-выяўленчыя вырабы з выявай юркага звярка, размешчаныя амаль ў кожным населенным пункце нашай краіны, заклікаюць аматараў папірос не выкідаць недакуркі з балконаў многапавярховых дамоў, на сухую траву, у лесе, старанна тушыць іх у попельніцах. Акрамя гэтага, спецыялісты МНС рэгулярна праводзяць шматлікія прафілактычныя мерапрыемствы для насельніцтва, падчас якіх арганізоўваецца прэзентацыя кампаніі і навучанне грамадзян правілам пажарнай бяспекі.
У Клецкім раёне вавёрачка “пасялілася” на двух банерах, на аўтобусным прыпынку, на інфармацыйных стэндах прадпрыемстваў і арганізацый, у месцах продажу спіртных напояў і табачных вырабаў, на паштовых скрынях… а таксама, ёсць спадзяванне, і ў сумленні людзей, якія спажываюць інфармацыю МНС аб неабходнасці паводзіць сябе бяспечна.
Дарэчы, у бягучым годзе на тэрыторыі Клецкага раёна не зафіксіравана выпадкаў гібелі ці траўматызму на пажарах па прычыне неасцярожнага абыходжання з агнём пры курэнні. Аднак, два пажары па гэтай прычыне ўсё ж здарыліся: на іх былі пашкоджаны гаспадарчыя пастройкі. Гэта значыць, што вавёрачка працягне заўзята “працаваць”, каб звесці на “не” такія вогненныя здарэнні з-за непатушаных недакуркаў.