МЧС Беларуси
МЧС Беларуси
Учреждение Минское областное управление МЧС Республики Беларусь
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Прафілактычныя рэйды – штодзень (Бярэзінскі раён)
Штодня ратавальнікі Бярэзіншчыны выязджаюць у рэйды па жылым сектары грамадзян разам з іншымі службамі. Работа, арганізаваная ў рамках акцыі “За бяспеку разам”, ставіць за мэту прафілактыку ўзгаранняў, правапарушэнняў, выяўленне грамадзян, што маюць патрэбу ў сацыяльная дапамозе. Бярэзіншчына налічвае 218 весак: некаторыя з іх – паўнацэнныя аграгарадкі са сваей інфраструктурай, іншыя – зусім невялічкія, з дзясяткам-другім жыхароў. Наша мэта – максімальна ахапіць работай найбольш сацыяльна неабароненых людзей.
У чарговы рэйд група накіравалася ў вескі Міхалева, Вінорава Багушэвіцкага сельсавета. Калі ў Міхалева “пашчасціла” патрапіць толькі ў некалькі хат, то веска Вінорава сустрэла больш прыязна: амаль у кожнай хаце – гаспадар. “Нашто ўжо хадзіць? Печкі амаль не топім, вясна!” – усміхаецца малады мужчына. На заўвагу пра тое, што не толькі з-за печкі бывае пажар – пагаджаецца. “Мне апавяшчальнік не патрэбны!” – упэўнена гаворыць мясцовая пенсіянерка, аперыруючы тым, што ў хаце ніхто не курыць. Прыводзім довады, каб чалавек змяніў склад думак. “У мяне ўсе добра!” – закурваючы на канапе, заяўляе гаспадар, што моцна сябруе са спіртнымі напоямі. Указанне на недакуркі на падлозе і мноства парушэнняў норм эксплуатацыі праводкі – не надта важкія аргументы для мужчыны. Тут нам спатрэбіцца дапамога інспектара энерганагляду і ўчастковага міліцыянера. Па выніках рэйда ў зацікаўленыя службы будзе накіравана пісьмо. Раз-пораз сустракаюцца гаспадары, якія думаюць, што службы павінны адрамантаваць для іх печку ці замяніць электраправодку. Высвятляем, ці есць крэтэрыі для аказання сацыяльнай дапамогі. Так, усе людзі розныя, і працаваць з імі нялегка. Але ж цікава! Падчас рэйдаў наслухаешся, бывала, і гісторый пра лёсы людскія, дзесь і за стол запрашаюць, і імкнуцца чымсьці пачаставаць…
Акцыя на Бярэзіншчыне працягваецца.
Будь готов
Другие новости
