МЧС Беларуси
МЧС Беларуси
Учреждение Минское областное управление МЧС Республики Беларусь
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Бяспека дзяцей – адказнасць дарослых! (Стаўбцоўскі раён)
На тэрыторыі Стаўбцоўшчыны працягваецца мэтанакіраваная работа па папярэджванні пажараў і гібелі людзей ад іх. Работнікі Стаўбцоўскага раённага аддзела па надзвычайных сітуацыях праводзяць як сустрэчы бяспекі у працоўных калектывах, так і ўрокі бяспекі на бацькоўскіх сходах.
Так, начальнік райаддзела па надзвычайных сітуацыях Андрэй Герасіменка сустрэўся з бацькамі навучэнцаў Навасвержанскай сярэдняй школы.
Галоўны ратавальнік раёна чарговы раз звярнуўся да бацькоў з напамінам аб іх адказнасці за жыццё і здароўе дзяцей. Прысутным былі агучаны пытанні, якія не губляюць сваёй актуальнасці: захоўванне запалак у недаступных для дзяцей месцах, выкананне правілаў пажарнай бяспекі пры абыходжанні з электрапрыборамі, эксплуатацыі пячнога ацяплення, цвёрдапаліўных катлоў, а таксама газавага абсталявання. Акрамя таго, значная ўвага надалася пытанням бяспечных паводзін на вадаёмах і ў лесе. Чарговы раз нагадалі бацькам і пра неабходнасць усталявання аўтаномнага пажарнага апавяшчальніка.
Дарэчы, на гэты раз сустрэча прайшла не ў форме маналогу: бацькоў зацікавілі тыя мерапрыемствы, якія праводзяцца з дзецьмі па пытаннях бяспекі. Некаторых здзівіў той пералік, які агучылі ратавальнікі:
– З такімі мерапрыемствамі дзеці ўжо і нас могуць навучаць, – з усмешкай зазначылі прысутныя..
Канешне, трымаць на ўвазе дзіця кожную хвіліну – цяжка , а вось навучыць хлопчыкаў і дзяўчынак самім “трымацца бяспечна” – у нашых сілах!
Будь готов
Другие новости
