МЧС Беларуси
МЧС Беларуси
Учреждение Минское областное управление МЧС Республики Беларусь
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Пажар, паваленыя дрэвы, адключэнні электрычнасці… Наступствы стыхіі ў Бярэзінскім раёне
Раніцай у нядзелю 14 чэрвеня ў адным з сельскагаспадарчых будынкаў ААТ “Месціна” здарыўся пажар. Падчас навальніцы маланка ўдарыла ў электрычны шчыт ангара для тэхнікі, першымі пачалі гарэць гумавыя шыны. Пад пагрозай агню аказалася тэхніка. Сітуацыю пагаршаў моцны вецер. Агонь заўважыў вартаўнік, які абыходзіў тэрыторыю. Ён патэлефанаваў кіраўніку прадпрыемства і ў пажарную. Да прыбыцця ратавальнікаў мужчыны разам спрабавалі справіцца з пажарам: добра, што яны дакладна ведалі правілы карыстання вогнетушыцелем. Ратавальнікі аператыўна ліквідавалі пажар, тэхніка пашкоджанняў не атрымала.
Падобныя ўзгаранні цяжка прадбачыць. Служба ратавання нагадвае: пры пажары, не марудзячы, тэлефануйце па нумары 101 ці 112. Што датычыцца дадзенага пажару, то не апошнюю ролю ў выратаванні каштоўнай уборачнай тэхнікі адыграла тое, што работнікі гаспадаркі не разгубіліся і змагаліся з агнем пры дапамозе важнага першаснага сродка пажаратушэння – вогнетушыцеля.
Стыхія пакінула пасля сябе значны след: вецер часткова зняў шыферны дах з МТФ в.Якшыцы, пашкоджаны дах і МТФ в.Сяліба. Без электраэнергіі стыхія пакінула ў тую ноч 38 населеных пунктаў, некалькі малочна-таварных фермаў: прычынай сталі паваленыя на лініі электрапередач дрэвы. Работнікі аварыйнай брыгады раённых электрасетак неадкладна прыступалі да аднаўленчых работ.
Памятайце: пры наступленні навальніцы не выходзьце на вуліцу, адключыце ўсе электрапрыборы, закрыйце вокны. Калі навальніца і моцны вецер заспелі вас на вуліцы, трымайцеся далей ад рэкламных шчытоў, высокіх дрэў, ліній электрапередач. Тэрмінова хавайцеся ў бліжэйшым будынку.
Будь готов
Другие новости
