МЧС Беларуси
МЧС Беларуси
Учреждение Минское областное управление МЧС Республики Беларусь
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Дзе неасцярожнасць, там і бяда (Бярэзінскі раён)
Сапраўднае гарачае лета не вельмі спяшаецца радаваць нас цеплынёй, і відавочна, што ў халоднае надвор'е домаўладальнікі ў прыватным сектары топяць печы. У халады печ – сапраўдная душа жылля! Аднак з-за парушэнняў нормаў пажарнай бяспекі пры яе эксплуатацыі нярэдка гараць хаты і адбываюцца выпадкі гібелі людзей у агні. 40 працэнтаў пажараў у Бярэзінскім раёне ў гэтым годзе адбыліся з-за парушэння людзьмі правілаў эксплуатацыі печы. Так, у аграгарадку Лешніца гарэў хляўчук, у весцы Журавок – нежылы дом. У аграгарадку Капланцы з-за недастатковай супрацьпажарнай раздзелкі загарэўся дом, а праз некаторы час у тым жа населеным пункце гарэла гаспадарчая пабудова. З-за перанакалу печы ў Беразіно загарэлася лазня, а ў садовым таварыстве “Гурэшчына” – лазня. У весцы Костаўшчына растапліванне печкі закончылася пажарам, апекі атрымалі пенсіянеры.
Каб не прыйшлося прасiць дапамогі па тэлефоне 101, не адкладвайце рамонт печкі. Пачніце яго сёння ж!
Памятайце:
– у печы не павінна быць расколін і шчылін, а комін павінен мець добрую цягу і быць пабелены вапнавым растворам. Робіцца гэта для таго, каб на белым фоне можна было заўважыць якія з'яўляюцца з часам расколіны;
– у ацяпляльны сезон ачышчайце комін ад сажы адзін раз у 3 месяцы;
– печ і дымавая труба ў месцах злучэння з драўлянымі перакрыццямі павінны мець патаўшчэнне цаглянага мура – разделку;
– каб вуглі, што выпалі з печкі, не прывялі да пажару, прыбіце перад топкай на драўляным падлозе металічны ліст памерамі 50х70 см;
– ні ў якім разе не выкарыстоўвайце пры падпалцы лёгкаўзгаральныя і гаручыя вадкасці;
– не пакідайце адчыненымі топачныя дзверцы і топячы печ без нагляду, гэта прамы шлях да пажару;
–трымайце не менш як за паўтары метры ад печы вопратку, мэблю, дровы і іншыя гаручыя матэрыялы;
– попел і перагарэлае вуголле выкідвайце не бліжэй за 10 метраў ад будынкаў;
– не пакідайце без нагляду печку, што топіцца, і не дазваляйце дзецям самастойна іх растопліваць.
Будь готов
Другие новости
