- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Для юных і дарослых (Мядзельскі раён)
Як вядома, лепшым спосабам барацьбы з небяспечнай сітуацыяй з'яўляецца папярэджанне такой сітуацыі. У цяперашні час наспела жыццёвая неабходнасць развіцця культуры асабістай бяспекі і ў прыватнасці культуры бяспекі жыццядзейнасці.
Навучанне мерам пажарнай бяспекі з'яўляецца найбольш даступным і дзейсным напрамкам ў забеспячэнні абароненасці грамадзян, маёмасці, грамадства і дзяржавы ад пажараў і праводзіцца з мэтай інфармавання іх па месцы жыхарства, вучобы, працы.
У цяперашні час у правядзенні супрацьпажарнай прапаганды выкарыстоўваюцца вусная, друкаваная, наглядная прапаганда, прапаганда праз сродкі масавай інфармацыі. Але ж выратавальнікі не спыняюцца на дасягнутым і заўсёды шукаюць новыя, крэатыўныя формы і метады данясення “бяспечнай” інфармацыі да насельніцтва.
Вулічнае мастацтва можа не толькі выглядаць прыгожа, але і прымусіць задумацца аб бяспецы. Першае графіці супрацьпажарнай накіраванасці з’явілася на тэрыторыі Мядзельскага раёна ў 2017 года і ўпрыгожыла сцяну жылога шматпавярховага дома па вуліцы Школьнай у горадзе Мядзел. Менавіта так Мядзельскі раённы аддзел па надзвычайных сітуацыях нагадаў жыхарам і гасцям горада нумары службы выратавання і аб тым, што правілы бяспекі неабходна выконваць усюды і заўсёды.
Месца выбрана не выпадкова: побач знаходзяцца школа і дзіцячыя садкі, гандлёвы дом і жылыя шматкватэрныя дамы, а таксама самая ажыўлёная аўтамабільная дарога Мінск – Маладзечна – Нарач, па якой штодня праязджаюць не толькі жыхары Мядзельскага раёна, але і іншых рэгіёнаў Беларусі і замежных суседзяў.
Наступнае графіці з’явілася ў 2019 годзе ва ўстанове адукацыі “Нацыянальны дзіцячы аздараўленча – адукацыйны цэнтр “Зубраня”. Тут героі мультфільма “Чароўная кніга” нагадваюць “жыхарам краіны дзяцінства”, як трэба дзейнічаць у выпадку ўзнікнення пажару.
Адной з новых форм давядзення інфармацыі стала брэндаванне астановачных пунктаў. У 2019 годзе на Мядзельшчыне з’явіліся адразу два “бяспечныя” прыпынкі грамадскага транспарту
У ліпені на астановачным прыпынку ў курортным пасёлку Нарач размясціліся героі мультфільма “Чароўная кніга”, якія “нагадваюць” жыхарам населенанга пункта аб тым, что “вадаём – не месца для гульняў” і аб тым, что ў выпадку ўзнікнення пажару неабходна тэлефанаваць у службу выратавання па нумары 101 ці 112.
На астановачным пункце ў вёсцы Камарова, што на Мядзельшчыне, размясціліся героі карыкатуры, якія нагадваюць аб тым, што “Першай справай пры пажары трэба тэлефанаваць 101”. Праца па нанясенні карыкатуры доўжылася некалькі дзён і выклікала цікавасць у праязжаючых, праходзячых міма грамадзян.
У жніўні 2019 года на тэрыторыі дзяржаўнай установы адукацыі “Яслі – сад № 3 г.Мядзела” была абсталявана іміджавая пляцоўка. Зараз выхаванцы дзіцячага садка ведаюць, что такое пажарны шчыт і якія прылады на ім знаходзяцца, што пажарная машына чырвонага колеру і тое, што пры ўзнікненні пажару ці іншых надзвычайных сітуацый неабходна неадкладна тэлефанаваць па нумары 101 ці 112.
Спадзяёмся, что красачныя і яркія графіці і прыпыначныя пункты, іміджавыя пляцоўкі і комнаты прымусяць запомніць правілы бяспекі ўсіх без выключэння.