МЧС Беларуси
МЧС Беларуси
Учреждение Минское областное управление МЧС Республики Беларусь
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
З клопатам пра бяспеку кожнага (Клецкі раён)
Месячнік пажарнай бяспекі прадугледжвае шэраг прафілактычных мерапрыемстваў, арыентаваных на максімальны ахоп насельніцтва тлумачальнай работай па папярэджанні пажараў і гібелі людзей ад іх. Таму работнікі Клецкага раённага аддзела па надзвычайных стуацыях штодзень ладзяць сустрэчы з працоўнымі калектывамі прадпрыемстваў і арганізацый раёна, каб у чарговы раз нагадаць аб неабходнасці ведаць, а галоўнае, строга выконваць асноўныя правілы бяспечных паводзін.
Так, на гэтым тыдні работнікі інспекцыі нагляду і прафілактыкі гарнізона арганізавалі сустрэчы з калектывамі МТФ “Машукі”, МТФ і МТП “Чырвоная Зорка”, МТП “Галавачы”, УЗ “Клецкая цэнтральная раённая бальніца”, Клецкага КБА, ДУА “Морацкі ВПК дзіцячы сад-сярэдняя школа”, Чырвоназоркаўскага сельвыканкама і інш.
Прадстаўнікі МНС знаёмяць аўдыторыю са статыстыкаю надзвычайных здарэнняў па рэспубліцы і вобласці, больш падрабязна спыняюцца на вогненных трагедыях, што адбыліся на тэрыторыі Клеччыны, дэталёва тлумачаць прычыны іх узнікнення. Нагадваюць ратавальнікі аб неабходнасці клапаціцца пра бяспеку на рабочых месцах і ва ўласных дамах: дбаць пра належны стан пячэй, электраправодкі, сачыць за спраўнасцю электрычных прыбораў, рэкамендуюць усталёўваць аўтаномныя пажарныя апавяшчальнікі. Значную ўвагу падчас выступленняў работнікі раённага аддзела па надзвычайных стуацыях надзяляюць і актуальным для вяснавога перыяду праблемам – наступствам выпальвання сухой расліннасці, парушэнню правіл пры развядзенні вогнішчаў. Не забываюць прадстаўнікі службы ратавання папярэдзіць грамадзян і аб забароне пакідання малалетніх дзяцей без нагляду, а таксама рэкамендуюць усталяваць на тэлефоны мабільнае прыкладанне “МНС Беларусі: Дапамога побач”.
У якасці напамінку пра важнасць такіх сустрэч кожны прысутны атрымлівае памятку ці лістоўку на супрацьпажарную тэматыку.
Будь готов
Другие новости
