- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Наша мэта – захаваць кожнае жыццё! (Старадарожскі раён)
У народзе кажуць: прыйшла бяда - адчыняй вароты. А вось ратавальнікі ўпэўнена заяўляюць: бяда не прыйдзе туды, дзе бездакорна выконваюць правіла бяспекі. Вось толькі не многія грамадзяне прытрымліваюцца дадзенага прынцыпу: рабіць усё загадзя, неспадзяючыся на праславуты «авось»! Хтосьці лічыць, што гэтую зіму печ вытрымае без рамонту, а хтосьці проста ігнаруе элементарныя правілы бяспекі. Аднак статыстыка - рэч упартая, і віной таму - чалавечая несвядомасць.
На што ў першую чаргу трэба звярнуць увагу, каб зберагчы сваё жыллё ад вогненнай трагедыі, нагадаў начальнік Старадарожскага раённага аддзела па надзвычайных сітуацыях Уладзімір Усеня супрацоўнікам аддзела ідэалагічнай работы, культуры і па справах моладзі.
У ходзе свайго выступлення ратавальнік пазнаёміў землякоў з аператыўнай абстаноўкай на тэрыторыі раёна, сталічнай вобласці і рэспублікі, асноўных прычынах пажараў у жылым фондзе. Увага прысутных была сканцэнтравана на правілах пажарнай бяспекі на прысядзібных участках і ў побыце, на правілах эксплуатацыі печаў і бытавых катлоў, электрычных абагравальнікаў і іншых «хатніх» электрапрыбораў. Вогнеборац надаў асаблівую ўвагу праблеме гібелі дзяцей на пажарах з-за свавольстваў з агнём і заклікаў дарослых з усёй адказнасцю падысці да арганізацыі бяспечнага вольнага часу.
- Аналіз прычын вогненных трагедый амаль заўсёды відавочна сведчыць: будзь сам чалавек прадбачлiвым, асцярожным - бяды можна было б пазбегнуць, – адзначыў Уладзімір Аляксандравіч. - Заладзіць расколіны ў печы і пабяліць комін, не пераграваць печ і не перагружаць электраправодку. Здавалася б, што перашкаджае людзям захоўваць гэтыя прапісныя ісціны? Толькі няўхільнае выкананне правіл пажарнай бяспекі на вытворчасці і ў побыце дазволіць папярэдзіць узнікненне розных экстрэмальных сітуацый.