- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Вы ўсе яшчэ паліце няспраўную печку? Тады мы ідзем да вас! (Бярэзінскі раён)
Адказ на пытанне відавочны ў першую чаргу для людзей, што займаюцца прафілактыкай пажараў і правапарушэнняў. А гэта – і ратавальнікі, і спецыялісты сельсаветаў, і сацыяльныя работнікі, і міліцыянеры, і педагогі. Не апошняе месца ў спісе зацікаўленых займаюць і карэспандэнты раённага выдання “Бярэзінская панарама”. Яны чуйна адгукваюцца на запрашэнні ратавальнікаў паўдзельнічаць у рэйдах, па выніках якіх рыхтуюць разгорнутыя артыкулы. Разам з карэспандэнтам і спецыялістам Дзмітравіцкага сельсавета ратавальнікі адправіліся ў вескі Ялоўка, Тылькаўка, Высокая Гара, Карма, Дзмітравічы.
Мэта рэйду – нагадаць людзям, да чаго вядзе нядбайнасць пры абыходжанні з агнем, дапамагчы не толькі словам, але і справай. А ад некаторых - дабіцца неадкладна выправіць недахопы пажарнага кшталту. Замяніць батарэйку ў апавяшчальніку, напрыклад. Ці надзейна прыбіць да полу металічны ліст ля топкі печы. Выкінуць з кацельнай недакуркі, зафіксаваць на сцяне электрычную праводку. Нядорага? Так. Хутка? Несумненна. А чаму дагэтуль не зрабілі? Адказ празаічны: рукі не даходзілі… Наведалі мы некалькі сем’яў, што выхоўваюць дзяцей. Патурбавалі і тых, хто моцна сябруе са спіртным. Адзінокія старыя і інваліды – таксама ў полі зроку. Усяго праінструкціравалі пра меры уласнай бяспекі 30 чалавек, уручылі 40 асобнікаў памятак. Па выніках рэйду рыхтуюцца пісьмы службам узаемадзеяння з мэтай аказання дапамогі асобным сем’ям у прывядзенні іх жылля ў належны проціпажарны стан. А яшчэ як вынік рэйду чакаем артыкул у раённай газеце. Яго карысць цяжка пераацаніць: амаль чатыры тысячы чытачоў даведваецца пра меры бяспекі ў жыллі, якія важна выконваць. А хтосьці і засаромеецца, калі ўбачыць у газеце свой фотаздымак і прачытае справядлівую крытыку.
Рэйды будуць працягвацца.