МЧС Беларуси
МЧС Беларуси
Учреждение Минское областное управление МЧС Республики Беларусь
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
2019 год… Якім ён быў для Стаўбцоўскага раённага аддзела па надзвычайных сітуацыях
Студзень – гэта першы месяц новага года. Час, калі кожны з нас вырашае “жыць па-іншаму, імкнуцца да лепшага”. Час, калі мы выбіраем напрамак для будучага. А як вядома, марыць пра будучае можна толькі з улікам таго, што ўжо зроблена, што атрымалася. Што ж зроблена ў 2019 годдзе Стаўбцоўскім раённым аддзелам па надзвычайных сітуацыях?
Па-першае, у 2019 годзе ў раёне не дапушчана росту надзвычайных сітуацый, што з’явілася вынікам планамернай і адказнай работы ўсіх работнікаў аддзела. Акрамя традыцыйных формў і метадаў работы, ратавальнікі імкнуліся засяродзіць увагу насельніцтва на пытаннях бяспекі і праз новыя формы. Так, на вуліцы Ленінскай у Стоўбцах з’явілася адкрытая гульневая пляцоўка ў стылі МНС, а ў дзіцячай раённай бібліятэцы пачаліся работы па абсталяванню дзіцячага пакою ў таксама ў стылі МНС. На ўпакоўках ТАА “Біфорэс”, якое займаецца вытворчасцю штучных елак, з’явілася “дадатковая інструкцыя” па правілах бяспечных паводзін падчас навагодніх святаў. А вось каля самой ПАВЧ №1 г.Стоўбцы з’явіўся “пажарны” арт-аб’ект – пажарны аўтамабіль, які нікога не пакідае абыякавым. Змяніўся і фармат правядзення выступленняў перад насельніцтвам – актыўны падключыліся работнікі сферы культуры (Стаўбцоўскага раённага цэнтра культуры), якія рыхтуюць тэматычныя “бяспечныя” тэатралізваныя пастаноўкі як для падрастаючага пакалення, так і для дарослага насельніцтва.
Значныя падзеі адбыліся і ў спартыўным жыцці аддзела. Так, каманда ратавальнікаў Стаўбцоўшчыны заняла другое месца ў спаборніцтвах па міні-футболе сярод ратавальніках вобласці. Скрыню спартыўных перамог папоўнілі і медалі асабістых дасягненняў: пачаўся год з перамогі ў сваёй узроставай катэгорыі Андрэя Арлоўскага ў спаборніцтвах па лыжных гонках, потым былі 3-е месца Дзяніса Якаўлева ў сваёй катэгорыі ў спаборніцтвах гіравікоў і 3-е месца Юрыя Янушэвіча ў спаборніцтвах “Ліквідацыя надзвычайных сітуацый у высотных будынках”, пасля – 1-е месца ў узроставай катэгорыі да 30 год у спаборніцтвах “Мацнейшы ратавальнік-пажарны” Аляксандра Казлова.
Падтрылі сваіх старэйшых таварышаў і юныя ратавальнікі-пажарныя, якія былі адзначаны ў наступных конкурсах: 3-е месца “Ратавальнікі вачыма дзяцей” у намінацыі “Малюнак”; 1-е месца “Школы бяспекі – 2019” ва ўзроставай катэгорыі 1-4 класы; 3-е месца фестывалю КВЗ “Таленавітая моладзь таленавітая ва ўсім”; 3-е месца ў намінацыі “Хіт бяспекі” на абласным палявым лагеры “Юны ратавальнік”.
Нельга не ўзгадаць і работу блока дзяржаўнай сістэмы і ліквідацыі надзвычайных сітуацый Стаўбцоўскага раёна. З 24 па 26 красавіка на тэрыторыі раёна прайшлі трохдзённыя комплексныя вучэнні па абароне насельніцтва і тэрыторый ад надзвычайных сітуацый прыроднага і тэхнагеннага характару і грамадзянскай абароне, вынікам якіх з’явілася станоўчая ацэнка якасці работы і падрыхтоўкі раёна да самых розных надзвычайных сітуацый.
Такім быў 2019 год для ратавальнікаў Стаўбцоўшчыны. Наперадзе – новы год, новыя планы, новыя падзеі… толькі станоўчыя, толькі добрыя, толькі цікавыя, толькі бяспечныя!
Будь готов
Другие новости
