- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Пра апавяшчальнік, чысціню і бяспеку... (Мядзельскі раён)
З надыходам асенне-зімовага перыяду адбываецца рэзкае павелічэнне колькасці пажараў у прыватных домаўладаннях, прычынамі якіх у большасці выпадкаў з'яўляюцца парушэнне правілаў устройства, мантажу і эксплуатацыі электрасетак і электраабсталявання, парушэнне правілаў пажарнай бяспекі пры эксплуатацыі пячнога ацяплення, а таксама чалавечы фактар – неасцярожнае абыходжанне з агнём.
На душы становіцца цяжка, калі бачыш згарэлыя па вельмі банальнай прычыне хаты. Адвечны чалавечы прынцып «з маім домам гэтага ніколі не адбудзецца», часцяком прыводзіць да трагічных наступстваў з-за парушэння элементарных правілаў пажарнай бяспекі, якія не патрабуюць ні часу, ні лішніх выдаткаў. У выніку чалавек пазбаўляецца ўсяго, што было нажыта непасільнай працай, а часам і свайго жыцця ці жыцця сваіх родных і блізкіх. Таму прафілактыцы пажарнай бяспекі ў гэты перыяд надаецца асаблівая ўвага.
Кіруючыся гэтым становішчам у Мядзельскім раёне ў выхадныя дні праводзіцца актыўная прафілактычная праца, накіраваная на забеспячэнне пажарнай бяспекі жыхароў раёна.
Падчас прафілактычных мерапрыемстваў выратавальнікі ў чарговы раз нагадваюць грамадзянам аб неабходнасці выканання правілаў пажарнай бяспекі, пра тое, што нельга тапіць печы з адчыненымі дзверцамі, сушыць на іх тканіну, дровы і іншыя гаручыя матэрыялы, распальваць печы бензінам і іншымі лёгкаўзгаральнымі вадкасцямі, моцна тапіць печы. Акрамя гэтага работнікі МНС рэкамендуюць усталяваць у домаўладанні аўтаномны пажарны апавяшчальнік і падтрымліваць яго працаздольнасць. Сярод насельніцтва распаўсюджваецца наглядна-выяўленчая прадукцыя.
Выконвайце патрабаванні пажарнай бяспекі! Беражыце жыллё ад пажару!