МЧС Беларуси
МЧС Беларуси
Учреждение «Минское областное управление МЧС Республики Беларусь»
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99
- minobl@mchs.gov.by
Лепшы час, каб нагадаць пра важнасць бяспекі (Салігорскі раён)
У Салігорскім раёне прайшло святкаванне раённых «Дажынак» у аграгарадку Доўгае. Запомнілася мерапрыемства жыхарам не толькі ўшанаваннем хлебаробаў і яркім парадам тэхнікі, але і пляцоўкай ад прадстаўнікоў выратавальнага ведамства, якія выставілі як гульнявыя лакацыі, так і аварыйна-выратавальную тэхніку.
Адзначым, што атмасфера ўрачыстасці ў абавязкам была напоўнена радасцю і гонарам за працу аграрыяў. Аднак сярод святочнай мітусні ўвагу гасцей нязменна прыцягвалі інтэрактыўныя пляцоўкі, арганізаваныя работнікамі службы выратавання. Спецыялісты прапанавалі жыхарам і гасцям аграгарадка займальны фармат навучання, дзе кожны мог адчуць сябе героем, гатовым да любых нечаканасцяў.
Адной з самых запатрабаваных стала пляцоўка, дзе кожны жадаючы мог адтачыць навыкі выкліку экстранных службаў. Здавалася б, простая працэдура, але ў стрэсавай сітуацыі нават дарослыя часам губляюцца. Сапраўдным цэнтрам прыцягнення стаў «лабірынт бяспекі». У гульнявой форме ўдзельнікі праходзілі праз розныя «няштатныя сітуацыі», прымаючы рашэнні, ад якіх залежала іх «віртуальная» бяспека.
Для самых юных гасцей свята інспектар сектара прапаганды Соф'я Кудзелка падрыхтавала «воднае лато». У працэсе гульні інспектар у даступнай форме тлумачыла малышам, чаму гульні ля вады патрабуюць асаблівага кантролю, а купанне ў забароненых месцах – гэта табу, якое нельга парушаць ні пры якіх абставінах. Кожная картка лато станавілася падставай для важнай размовы аб тым, як пазбегнуць бяды. Спецыяліст каментуе:
– Праграма, падрыхтаваная работнікамі МНС, стала арганічным дадаткам раённых «Дажынак». Кожны ўдзельнік нашага «інтэрактыву» атрымаў не толькі карысныя веды, але і зарад станоўчых эмоцый. Калі навучанне праходзіць у фармаце гульні, інфармацыя засвойваецца значна лепш, а ўпэўненасць ва ўласных сілах расце. А гэта, бадай, самы каштоўны падарунак, які можа быць.
Будь готов
Другие новости
