МЧС Беларуси
МЧС Беларуси
Учреждение «Минское областное управление МЧС Республики Беларусь»
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99
- minobl@mchs.gov.by
«Бульбяны фэст» – абавязкова з мелодыяй бяспекі (Уздзенскі раён)
У першую суботу верасня аграгарадок Дзешчанка традыцыйна прыняў гасцей рэгіянальнага фестывалю-ярмаркі «Бульбяны фэст». Гэтае штогадовае свята з 2021 года стала візітнай карткай не толькі Дзешчанкі, а ўсяго Уздзенскага раёна, і кожны раз здзіўляе сваімі маштабамі, забавамі, тэматычнымі лакацыямі і неверагоднай атмасферай.
Выратавальнікі падрыхтавалі для землякоў і гасцей Уздзеншчыны навучальныя пляцоўкі, на якіх у займальным фармаце іх наведвальнікі знаёміліся з прафесіяй агняборцаў і, зразумела, значна папаўнялі «арсеналы» ведаў і навыкаў бяспекі жыццядзейнасці.
І дарослыя, і дзеці, і пажылыя людзі актыўна ўдзельнічалі ў гульнях і віктарынах, бясстрашна адпраўляліся ў «непрыдатную для дыхання сераду», уключаліся ў апараты на сціснутым паветры. Падчас інтэрактыўнага ўзаемадзеяння з выратавальнікамі госці пляцоўкі фармулявалі правілы бяспечных паводзін у побыце і на прыродзе, паблізу вадаёмаў, у розных надзвычайных сітуацыях, алгарытмы выкліку экстраных службаў, даведваліся, чым небяспечны дым і як правільна эвакуіравацца. Вынікам наведвання міні-гарадка МНС для кожнага сталі не толькі веды, уражанні і эмоцыі, але і тэматычныя падарункі.
– Нашу пляцоўку сёння наведала больш за пяцьсот чалавек, – адзначыла старшы інспектар сектара прапаганды і ўзаемадзеяння с грамадскасцю Уздзенскага раённага аддзела па надзвычайных сітуацыях Ксенія Андросік. – У інтэрактыўным фармаце маленькія і дарослыя ўздзенцы і госці нашага гасціннага краю спасцігалі асновы бяспекі. Вынік – незлічоная колькасць станоўчых эмоцый і важных ведаў, яркіх і незабыўных момантаў, фатаграфій на памяць. Упэўнена, што мы паспяхова навучылі важным правілам кожнага!
Будь готов
Другие новости
