МЧС Беларуси
МЧС Беларуси
Учреждение «Минское областное управление МЧС»
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99
- minobl@mchs.gov.by
Курэнне – прычына пажару (Салігорскі раён)
Неасцярожнае абыходжанне з агнём пры курэнні – адна з найбольш распаўсюджаных прычын пажараў. Часцей за ўсё вінаватымі і ахвярамі агню ў такіх выпадках становяцца грамадзяне, якія злоўжываюць спіртным. Як вядома, людзі ў стане алкагольнага ап'янення поўнасцю або часткова страчваюць кантроль над сваімі дзеяннямі і ўчынкамі. Нярэдка, падвыпілы чалавек кідае дзе патрапіла непатушаныя недакуркі, кладзецца ў ложак з запаленай цыгарэтай і зусім не думае аб наступствах. У большасці выпадкаў дадзеная катэгорыя грамадзян нараўне са сваёй бяспекай ставіць пад пагрозу жыццё сваіх блізкіх, а таксама людзей, якія пражываюць па суседстве.
Найбольшая колькасць пажараў з-за неасцярожнага абыходжання з агнём пры курэнні адбываецца ў вячэрні або начны час.
Так, 23 лютага ў 22 гадзіны 36 хвілін ратавальнікам Салігорскага гаррайаддзела па надзвычайных сітуацыях паступіла паведамленне аб задымленні на лесвічнай клетцы па адрасе: горад Салігорск, вуліца Леніна, дом 4. Пажар кватэры, размешчанай на 1 паверсе пяціпавярховага жылога дома. Разглядаемая версія прычыны ўзнікнення пажару – неасцярожнасць пры курэнні гаспадаром кватэры.
«Звяртаем увагу грамадзян, не раскідвайце недакуркі – гэта нават не патрабаванне пажарнай бяспекі, а звычайныя правілы паводзін цывілізаванага чалавека. Нажаль, шматлікія грамадзяне не надаюць ім вялікага значэння. Людзі кураць у ложку, кідаюць недакуркі на падлогу, выкідваюць праз адчыненую фортачку ў акно і сваімі рукамі ствараюць пажаранебяспечныя сітуацыі», – адзначыў першы намеснік начальніка аддзела Аляксандр Цыбулька.
Выконвайце простыя правілы бяспекі і захавайце сваё жыццё:
– не паліце ў кватэры (доме), тым больш у ложку, асабліва ў стане алкагольнага ап'янення;
– не выкарыстоўвайце ў якасці попельніцы папяровыя скруткі, скрынкі ад запалак або цыгарэт – яны могуць узгарэцца;
– пры напаўненні попельніцы своечасова чысціце яе;
– не кідайце нават патушаныя цыгарэты з балконаў;
– сочыце, каб попел не патрапіў на гаручыя рэчы ці падлогу;
– захоўвайце запалкі, запальніцы, цыгарэты ў недаступным для дзяцей месцы.
Пры ўзнікненні надзвычайнай сітуацыі тэлефануйце 101 або 112.
Будь готов
Другие новости
