МЧС Беларуси
МЧС Беларуси
Учреждение Минское областное управление МЧС Республики Беларусь
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
У краіне бяспечнага дзяцінства (Старадарожскі раён)
Дзіцячыя свавольства нярэдка з'яўляюцца прычынай сапраўдных трагедый, якія могуць пазбавіць дзіця гэтага самага дзяцінства і, што яшчэ страшней, здароўя і жыцця. Таму ратавальнікі надаюць асаблівую ўвагу навучэнню падлеткаў. Аднак проста зачытаць збор правілаў супрацьпажарнай бяспекі недастаткова. Каб яны іх добра замацавалі і выконвалі, неабходна задзейнічаць такія формы навучання, як гульні і конкурсы, якія з'яўляюцца абавязковымі спадарожнікамі вольнага часу дзяцей.
Для навучэнцаў сярэдняй школы №1 старадарожскія ратавальнікі падрыхтавалі пазнавальную праграму. Свае веды ў галіне пажарнай бяспекі рабяты прадэманстравалі падчас правядзення віктарыны. Размаўляючы з дзецьмі, ратавальнікі закранулі розныя тэмы, пачынаючы ад свавольстваў з запалкамі і адпачынку на прыродзе і заканчваючы разлівам ртуці. Рабяты успомнілі алгарытм правільных дзеянняў у выпадку сігналу «Увага ўсім!», замацавалі навыкі эавкуаціі, паўтарылі знакі пажарнай бяспекі. Не застаўся без увагі і мабільны дадатак «МНС Беларусі: дапамога побач», які дапаможа справіцца з рознымі надзвычайнымі сітуацыямі.
Гук пажарнай сігналізацыі нечакана перапынію мерапрыемства. «Увага пажарная небяспека. Просьба пакінуць памяшканне» - трывожнае паведамленне апавясціла ўсіх прысутных. Па легендзе ў памяшканні гардэроба школы адбылося ўзгаранне, і задача навучэнцаў і педагогаў - як мага хутчэй пакінуць будынак. Пасля аб'яўлення эвакуацыі, рабяты без панікі і мітусні сабраліся у файе школы. Далей - пераклічка. Эвакуіраваўшыся на «выдатна», рабяты вярнуліся ў свае ўтульныя класы.
Вось такое атрымалася цікавае і павучальнае мерапрыемства, на якім рабяты не толькі замацавалі веды правілаў бяспекі, але і добра адпачылі.
Будь готов
Другие новости
