- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Чарговае пасяджэнне раённай рабочай камісіі прайшло на Мядзельшчыне
Сумесная праца са старшынямі выканаўчых камітэтаў, прадстаўнікамі жыллёва – камунальнай гаспадаркі, газавай службы, адукацыі дае адчувальныя вынікі. І ўсё ж праблемы ў гэтай важнай справе ёсць. Яны асабліва датычацца асоб, якія трапляюць у так званую “групу рызыкі”. Тут павінен быць асаблівы кантроль і аналіз сітуацыі. Акрамя штодзённай прафілактычнай работы праводзяцца пасяджэнні раённай рабочай камісіі па каардынацыі дзейнасці аглядальных камісій раёна. Чарговае пасяджэнне адбылося 24 мая ў малай зале Мядзельскага раённага выканаўчага камітэта.
– Мы сабраліся, каб зрабіць акцэнт і своечасова паўплываць на ліквідацыю прычын, якія могуць выклікаць гібель людзей, яшчэ раз скаардынаваць дзеянні ўсіх суб'ектаў прафілактыкі,– адзначыў падчас пасяджэння начальнік раённага аддзела па надзвычайных сітуацыях Юрый Іванавіч Вашкінэль. – Вызначыць, што робіцца для стабілізацыі становішча, наколькі эфектыўныя меры, наколькі зладжана працуюць усе службы і падраздзяленні, ці няма праломы ў сістэме ўзаемадзеяння.
У гэты дзень была разгледжана сітуацыя з пажарамі і гібеллю людзей ад іх на тэрыторыі раёна, а таксама вынікі і эфектыўнасць дзейнасці аглядальных камісій за мінулы перыяд 2022 года. Таксама падчас пасяджэння былі разгледжаны вынікі працы Нарацкага і Слабадскога сельвыканкамаў, дзе старшыні сельвыканкамаў больш падрабязна расказалі аб той рабоце, якая праводзіцца ў мэтах папярэджання пажараў і гібелі людзей ад іх.
Акрамя гэтага Юрый Іванавіч падкрэсліў, што ў гэтай працы недапушчальны фармалізм.
– Да трагедыі вельмі часта прыводзіць злоўжыванне алкаголем. Таму асобы, якія вядуць асацыяльны лад жыцця, павінны быць ўзяты на асаблівы кантроль. Важна не пакінуць па-за ўвагай адзінокіх пажылых людзей, якім цяпер вельмі патрэбныя дапамога і падтрымка.