- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Рубрыка «Жанчыны ў МНС - хто яны?»: Наталля Літоўчанка (Капыльскі раён)
Пасля паступлення ў Камандна-інжынерны інстытут МНС скончыла яго ўжо як Універсітэт грамадзянскай абароны МНС – жыццё па распарадку дня, фізпадрыхтоўка і адпрацоўка розных сцэнарыяў надзвычайных сітуацый толькі загартавалі характар. Пры выпуску з універсітэта – дзве зорачкі на пагонах і званне лейтэнанта.
Размеркаванне дало магчымасць аказацца бліжэй да дома. Родны Капыль, дзе і было першае месца працы, вельмі цепла сустрэў Наталлю. Калегі з РАНС ніколі не адмаўляюць у дапамозе і радзе дзяўчыне. З жыллём праблем таксама не ўзнікла: падалі пакой у інтэрнаце.
Пасада інжынера інспекцыі нагляду і прафілактыкі РАНС Наталля Літоўчанка атрымала адразу ж. Калі сказаць увогуле, то ў яе абавязкі ўваходзіць праверка суб'ектаў гаспадарання і расследаванне пажараў. Яшчэ адным напрамкам з'яўляецца прафілактычная работа ў жылым сектары. Тут на асаблівым кантролі – людзі, якія пражываюць адзінока (старэйшага ўзросту, з інваліднасцю, якія злоўжываюць спіртным), шматдзетныя сем'і, сем'і з катэгорыі суправаджаецца. Словам, хапае і кабінетнай працы, і працы з людзьмі, гаворыць Наталля, і на ўсё гэта глядзіць аптымістычна, бо першапачаткова ведала, куды ішла вучыцца, і разумела, чым будзе займацца.