- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Калі весялосць «з агеньчыкам» – то бяспечная! (Бярэзінскі раён)
Чым бліжэй да Новага году, тым больш запатрабаваным становіцца гэты тавар. Петарды і хлапушкі, ракеты і салюты… Піратэхніка так і вабіць дзяцей, абяцаючы новыя эмоцыі! Разам з тым, штогод дзясяткі дзяцей і дарослых траўміруюцца ў спробе ўпрыгожыць сваё свята гучнымі выбухамі і фаер-шоу. Тэрмічныя апёкі рук, твару і вачэй - яшчэ самыя бяскрыўдныя траўмы. Весялосць «з агеньчыкам» можа скончыцца і адарваннем пальцаў, чэрапна-мазгавымі траўмамі.
У рамках акцыі “Бяспечны Новы год” бярэзінскія ратавальнікі паведваюць школы раёна і расказваюць дзецям, з чаго складаецца ідэальнае свята. А формула гэтая простая: весялосць, падарункі, блізкія людзі побач, і, вядома, бяспека! Мы нагадваем, якія непрыемныя сюрпрызы могуць чакаць таго, што забаўляе сябе з дамапогай піратэхнікі, паказваем фільмы, прэзентацыі і мульцікі. Не абмінаем і тэму гібелі людзей на вадаёмах зімой: разам з намі працуе старшыня раённай арганізацыі ратавання людзей на вадзе Юрый Палянскі. Радуе, што дзеці выдатна ведаюць адказы на ўсе пытанні. Асноўная ж задача ратавальнікаў – не толькі навучыць новым і карысным ведам, але і пастаянна нагадваць дзецям пра абсалютную каштоўнасць жыцця чалавека.