- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
“Дзякуй за нашу бяспеку!” (Клецкі раён)
Сёння завяршаецца прафілактычная благачынная акцыя МНС “Апавяшчальнік у кожны дом”, дзякуючы якой выратавальнікі зрабілі жыццё многіх грамадзян крыху больш бяспечным.
Якім чынам? Зусім нескладана: работнікі МНС наведалі домаўладанні розных катэгорый, праверылі наяўнасць у іх пажарных апавяшчальнікаў і іх працаздольнасць, там, дзе такія прыборы адсутнічалі – бясплатна іх усталявалі. Акрамя гэтага – правялі шырокамаштабную прафілактычную работу, падчас якой праверылі пажарабяспечны стан жылля, нагадалі гаспадарам дамоў, якія правілы бяспекі неабходна выконваць, каб не стаць ахвяраю агню.
У Клецкім раёне за час акцыі работнікі раённага аддзела па надзвычайных сітуацыях усталявалі ў домаўладаннях грамадзян больш за 70 АПА, правялі прафілактычныя размовы, уручылі наглядна-выяўленчую прадукцыю з правіламі бяспекі.
Асноўныя парады, якія гучалі з вуснаў выратавальнікаў – гэта не курыць у памяшканні, своечасова рабіць рэмонт печак, не дапускаць іх перакальвання ў вялікія маразы, не перегружаць электрасеткі, не пакідаць без нагляду маленькіх дзяцей і шмат іншага.
У адказ на добрую справу і карысныя рэкамендацыі работнікі МНС атрымлівалі толькі станоўчыя водгукі і падзякі: “Дзякуй вам, выратавальнікі, за ваша імкненне зрабіць наша жыццё больш бяспечным!”