МЧС Беларуси
МЧС Беларуси
Учреждение Минское областное управление МЧС Республики Беларусь
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Пра апавяшчальнік, чысціню і бяспеку (Мядзельскі раён)
З надыходам зімовага перыяду адбываецца рэзкае павелічэнне колькасці пажараў у прыватных домаўладаннях, прычынамі якіх у большасці выпадкаў з'яўляюцца: парушэнне правілаў устройства, мантажу і эксплуатацыі электрасетак і электраабсталявання, парушэнне правілаў пажарнай бяспекі пры эксплуатацыі пячнога ацяплення, а таксама чалавечы фактар - неасцярожнае абыходжанне з агнём.
На душы становіцца цяжка, калі бачыш згарэлыя па вельмі банальнай прычыне хаты. Адвечны чалавечы прынцып: «З маім домам гэтага ніколі не адбудзецца», часцяком прыводзіць да трагічных наступстваў з-за парушэння элементарных правілаў пажарнай бяспекі, якія не патрабуюць ні часу, ні лішніх выдаткаў. У выніку чалавек пазбаўляецца ўсяго, што было нажыта непасільнай працай, а часам і свайго жыцця ці жыцця сваіх родных і блізкіх. Таму прафілактыцы пажарнай бяспекі ў гэты перыяд надаецца асаблівая ўвага.
Кіруючыся гэтым становішчам ратавальнікі праводзяць актыўную прафілактычную працу, накіраваную на забеспячэнне пажарнай бяспекі жыхароў раёна. Не стаў выключэннем і сённяшні дзень. Тым больш, што на мядзельшчыне працягваецца акцыя “Апавяшчальнік – у кожны дом”. Падчас прафілактычных мерапрыемстваў у жыллёвым фондзе ратавальнікі ў чарговы раз нагадалі грамадзянам аб неабходнасці выканання правілаў пажарнай бяспекі, пра тое, што нельга тапіць печы з адчыненымі дзверцамі, сушыць на іх тканіну, дровы і іншыя гаручыя матэрыялы, распальваць печы бензінам і іншымі лёгкаўзгаральнымі вадкасцямі, моцна тапіць печы. Акрамя гэтага работнікі МНС праверылі наяўнасць і спраўнасць аўтаномных пажарных апавяшчальнікаў, камусьці рэкамендавалі іх устанавіць, а камусьці усталявалі іх самі і патлумачылі, як падтрымліваць яго працаздольнасць.
Чаму аўтаномны пажарны апавяшчальнік патрэбен у кожнай хаце? Для таго, каб атрымаць адказ на гэтае пытанне, задумайцеся: хацелі б Вы своечасова даведацца пра пажар у сваёй кватэры ці доме? А ці ёсць шанц выявіць пажар у хаце ўначы, калі чалавек спіць і не адчувае паху дыму? Здавалася б, адказ відавочны. Ды і ў народзе нездарма спрадвеку кажуць: "Злодзей пройдзе - сцены пакіне, агонь пройдзе - усё забярэ і папялішча пакіне", - зазначыў выконваючы абавязкі начальніка Мядзельскага раённага аддзела па надзвычайных сітуацыях Юрый Іванавіч Вашкінэль. Але, у той жа час, большасць людзей знаходзяцца ва ўпэўненасці, што пажар можа здарыцца дзе заўгодна, але толькі не ў іх, шмат хто кажа, што мы не п'ем і не курым, таму пажарны апавяшчальнік нам не патрэбен. А пажары здараюцца не толькі па гэтай прычыне. Кароткае замыканне электраправодкі, не адрамантаваная своечасова печ, забыты прас або ежа на пакінутай без нагляду пліце, дзіцячае свавольства з агнём - вось далёка не поўны пералік прычын пажараў. Думаю, што дадатковых аргументаў у неабходнасці ўстаноўкі аўтаномнага пажарнага апавяшчальніка проста не патрабуецца. І пагадзіцеся, што яго кошт непараўнальны з коштам тых наступстваў, да якіх прыводзяць пажары, знішчаючы нажытую гадамі маёмасць, а часам, чалавечыя жыцці.
Будь готов
Другие новости
