image description
 

Учреждение Минское областное управление МЧС Республики Беларусь

 

Надзейны ратавальнік – пажарны апавяшчальнік (Стаўбцоўскі раён)

318

Пра аўтаномныя пажарныя апавяшчальнікі сёння ведае практычна кожны домаўладальнік. Аднак адносіны да гэтага маленькага прыбора ў кожнага свае: хтосьці лічыць , што “без яго пражывем”, хтосьці не зусім адказна ставіцца да правілаў экспдуатацыі апавяшчальніка, хтосьці перыядычна “не помніць”, што неабходна замяніць батарэйку.

Менавіта з мэтай нагадаць насельніцтву пра важнасць “пасялення” ў домаўладанні аўтаномнага пажарнага апавяшчальніка на тэрыторыі Стаўбцоўшчыны з 4 па 12 снежня праходзіць акцыя “Апавяшчальнік у кожны дом”. І ў першы дзень акцыі ратавальнікі правялі “апавяшчальны лікбез” у домаўладаннях, дзе пражываюць шматдзетныя сем’і, адзінокія састарэлыя грамадзяне, інваліды і грамадзяне, якія злоўжываюць алкаголем. Госці ў форме не толькі праверылі наяўнасць апавяшчальнікаў і іх рабочы стан, але і дапамаглі гаспадарам выправіць пэўныя памылкі ў эксплуатацыі прыбора.

-Добры дзень, - сустракае ратавальнікаў Аляксандр Канстанцінавіч, бацька трох дзяцей. – Апавяшчальнік правяраеце? У нас ёсць – у кожным пакоі. Толькі на мінулым тыдні адзін перастаў працаваць. Батарэйку замянілі, але… нешта і не свеціць, і гукаў ніякіх не падае.

На прапанову ўстанавіць новы апавяшчальнік здзіўленна пагаджаецца і запрашае праверыць астатнія апавяшчальнікі (яны, дарэчы, на самой справе знаходзяцца ў спраўным стане).

Сочыць за сваёй бяспекай і Анастасія Мікалаеўна, пенсіянерка, жыхарка аграгарадка Горкі.

-Вой, гэтыя прыборы ў мяне ў кожным пакоі стаяць. Толькі піску ад іх бывае шмат, - дзеліцца сваімі назіраннямі Анастасія Мікалаеўна. – Асабліва палохаюць, калі ноччу піску даюць. Вось адзін папрасіла пляменніцу зняць. Можа, ён ужо наогул працаваць і не будзе?

Тлумачым гаспадыне, што сам прыбор знаходзіцца ў рабочым стане – неабходна толькі замяніць батарэйку, што ў робім паралельна з размовай. Затым вяртаем апавяшчальнік на яго рабочае месца, робім кантрольную праверку і яшчэ раз тлумачым жанчыне, што і як “неабходна рамантаваць, калі прыбор пачынае пішчаць”.

Вось такім чынам, дзе словам, дзе ўстаноўкай апавяшчальніка, дзе заменай батарэйкі, ратавальнікі яшчэ і яшчэ раз нагадваюць насельніцтву пра надзейнага дамашняга ратавальніка – аўтаномны пажарны апавяшчальнік. Прыбор не патрабуе шмат ўвагі падчас эксплуатацыі: замацоўваецца на столі пры дапамозе шрубаў, працуе ад батарэкі тыпу “Крона”. Гаспадарам рэкамендуецца толькі не радзей як раз у месяц правяраць працаздольнасць апавяшчальніка, націскаючы на тэставую кнопку, і перыядычна чысціць яго ад пылу. А сам прыбор - у якасці ўдзячнасці - папярэдзіць Вас аб узнікненні нават нязначнага задымлення ў памяшканні, чым выратуе Ваша жыццё і захавае Вашу маёмасць.

Беражыце сябе і сваіх блізкіх!

Искать похожие новости:

Будь готов

Другие новости

 

Волшебная книга
Волшебная книга
Моб. приложение
Моб. приложение
Министерство
Законодательство
Закрыть
Закрыть Закрыть Закрыть
Закрыть

Центральный аппарат МЧС

Территориальные управления

Департаменты

Закрыть