- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Адмоўцеся ад згубнай прывычкі! (Уздзенскі раён)
Нядбайнае абыходжанне з цыгарэтамі і запалкамі пры курэнні часта прыводзіць да маштабных пажараў. Выклікаўшы тленне, недакурак згасае, а ўтвораны ім ачаг пераўтвараецца ў пажар. Каб папярэдзіць такія вогненныя беды, выратавальнікі ў чарговы раз нагадалі землякам правілы бяспекі.
У рамках заключнага этапа рэспубліканскай акцыі «Не прапальвай сваё жыццё!» пляцоўка бяспекі была наладжана ў магазіне «Еўраопт». Выратавальнікі расказалі ўдзельнікам акцыі аб небяспецы гэтай шкоднай звычкі, прапанавалі выканаць заданні на веданне правілаў пажарнай бяспекі, даць «клятву змагара з курэннем», сабраць інтэрактыўныя пазлы, паразважаць аб пажарах, якія ўжо адбыліся па прычыне неасцярожнага абыходжання з агнём пры курэнні. Кожны суразмоўца атрымаў і тэматычныя падарункі.
Нагадваем: неасцярожнае абыходжанне з агнём пры курэнні – адна з самых распаўсюджаных прычын пажараў. Курыць у ложку ці іншым месцы для сну, выкідваць непатушаныя цыгарэты і запалкі з аконных праёмаў, з балконаў (лоджый) шматкватэрных жылых дамоў, у ствалы смеццеправодаў, смеццевыя кантэйнеры, бакі, урны на прыдамавой тэрыторыі забаронена. Пры курэнні ў жыллі будзьце асабліва пільнымі: выкарыстоўвайце надзейныя попельніцы. Не кідайце попел на падлогу, збірайце яго ў попельніцу. А самае лепшае – адмоўцеся ад згубнай звычкі дзеля бяспекі і здароўя!