- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Акцыя ратавальнікаў: карысная гутарка, відэафільм, падарункі (Бярэзінскі раён)
Акцыя “Не прапальвай сваё жыццё!” працягваецца ў Бярэзінскім раёне, і на чарговую карысную гутарку сабраліся работнікі філіяла “ДРБУ №192”. На сустрэчу ратавальнікі запрасілі ўрача-нарколага УЗ “Бярэзінская ЦРБ”, страхавога агента прадстаўніцтва Белдзяржстраху.
“…Не курыць ў доме, адрамантаваць печ, не пакідаць малых дзяцей без нагляду – нескладаныя, здаецца, меры. Але ж цяжка выканальныя для некаторых людзей. А за ўласную халатнасць рана ці позна прыдзецца разлічвацца, само жыццё не раз даказвала гэтую ісціну. Так, у мінулым годзе з-за неасцярожнасці пры курэнні ў раёне загінулі тры чалавекі, усе – мужчыны…”, – эмацыянальна даносіла да людзей проціпажарныя ісціны інспектар прапаганды раённага аддзела па надзвычайных сітуацыях Вольга Данэйка. Многа важкай інфармацыі атрымалі прысутныя і ад урача-нарколага Вольгі Жукоўскай. Яна расказала, як можна спраўляцца са стрэсам, бо мноства людзей часовае пазбаўленне ад праблем бачаць менавіта ў спіртных напоях і курэнні. Як вынік – трагедыі, разбураныя сем’і, страчанае здароўе.
На мерапрыемстве мы разыгралі пажарны апавяшчальнік: яго атрымала ў падарунак маладая матуля. Адзін з рабочых “ДРБУ №192” указаў на макеце печкі на ўсе парушэнні правіл яе ўсталявання і эксплуатацыі, за што атрымаў у падарунак вогнетушыцель. Напрыканцы людзі паглядзелі фільм “Ахвяры згубнай звычкі”, паслухалі рэкамендацыі інспектара Белдзяржстраху, што датычацца розных відаў страхавання.