- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Даведаліся, як ратаваць і ратавацца (Клецкі раён)
Дзяцінства – самы пытлівы ўзрост чалавека. Малыя заўсёды хочуць ведаць усё: чаму свеціць сонца і ідзе дождж, а маланка б’е ў высокія дрэвы, адкуль з’явіліся велізарныя валуны, узгоркі і азёры, як усталяваны камбайны, самалеты ці ракеты…
Не дзіва, што дзецям цікава і тое, што знаходзіцца за варотамі пажарнай часці, а асабліва – у самім пажарным аўтамабілі!
Магчымасць даведацца, як нясуць службу выратавальнікі, атрымалі вучні Заастравецкай сярэдняй школы Клецкага раёна. У іх аграгарадку знаходзіцца пажарны аварыйна-выратавальны пост №13 д.Заастравечча. Менавіта сюды накіраваліся дзве групы школьнікаў. Дзецям работнікі МНС не толькі паказалі тэхніку і абсталяванне, але і расказалі, як ратавалі на пажары людзей, тушылі дамы і гаспадарчыя пабудовы. А пасля яны нагадалі хлопчыкам і дзяўчынкам, як паводзіць сябе ў выпадку пажару – не панікаваць, не хавацца, тэлефанаваць па нумары 101 або 112, пакідаць памяшканне, прыгнуўшыся і закрыўшы органы дыхання мокрай тканінай. У гэты дзень выратавальнікі далі і іншыя важныя парады і настаўленні дзецям напярэдадні наступлення халадоў:
– Памятайце, што неабходна добра апранацца, каб не атрымаць пераахалоджванне або абмаражэнне, абавязкова – шапка, пальчаткі і цеплы абутак. Зімой не забывайце пра тое, што можа быць галалёд, на якім можна ўпасці і атрымаць розныя траўмы. А таксама не забывайце, што паходы на вадаёмы у гэты час – пад строгай забаронай!
Работнікі МНС на развітанне яшчэ раз нагадалі, што нельга сваволіць з адкрытым агнём, пакідаць уключанымі электрапрыборы, зарадныя прылады. А я шчэ – што важна заўсёды слухацца бацкоў і выконваць правілы бяспекі.