Учреждение Минское областное управление МЧС Республики Беларусь

Адреса и телефоны
220137 г. Минск, ул.Нестерова, 9а
Время работы: пн-пт 09.00-18.00
(+375 17) 246-74-04 (приемная)
(+375 17) 273-39-99, (+375 17) 273-93-65
minobl@mchs.gov.by

Территориальные управления МЧС

Департаменты

Университет МЧС

Научно-исследовательский институт пожарной
безопасности и проблем чрезвычайных ситуаций МЧС

Авиация МЧС

Республиканский отряд специального назначения «ЗУБР» МЧС

Республиканский центр сертификации и экспертизы
лицензируемых видов деятельности МЧС

Республиканский центр управления и реагирования
на чрезвычайные ситуации МЧС

Государственная инспекция по маломерным судам МЧС

Белорусская молодежная общественная организация спасателей-пожарных

Минское областное

Новости

Ці гатовы вы да зімы, альбо Гісторыя аднаго рэйда (Бярэзінскі раён)

Чарговым адрасам выезду аглядавай камісіі Багушэвіцкага сельвыканкама сталі аграгарадок Багушэвічы, вескі Галаўныя Ляды, Міхалёва. У састаў камісіі увайшлі інспектар раённага энергагазнагляду Віктар Дземяшкевіч, інспектар прапаганды РАНС Вольга Данэйка і карэспандэнт раённай газеты “Бярэзінская панарама” Анатоль Палынскі. Далучыўся да рэйду і старшыня мясцовага сельскага Савета Сяргей Шабан. Ён нядаўна прыступіў да выканання новых абавязкаў, і падобнае мерапрыемства дае яму магчымасць бліжэй пазнаёміцца з мясцовымі жыхарамі і ўмовамі іх пражывання.

Асноўнай мэтай выезду была праверка прыватных домаўладанняў на гатоўнасць да зімы, захаванне ў жыллі норм і правілаў пажарнай і электрычнай бяспекі. Адзначым, што пераважная большасць гаспадароў адказна ставяцца да свайго быту. Вось, напрыклад, шматдзетная сям’я: у матулі хапае часу і на догляд за сям’ю дзецьмі, і на падтрыманне бяспечных умоў пражывання. Прывядзем у прыклад і сямейную пару пенсіянераў: людзі жывуць небагата, хапае пытанняў са здароўем, але ж печка дагледжаная, апавяшчальнік у парадку. Прывядзем і дрэнны прыклад: мужчына жыве ў кватэры, дзе не пераступіць з-за бутэлек, пастоянна прымае ў госці сумніўныя кампаніі. Пра пажарны апавяшчальнік не чуў. Праз месяц збіраецца ў лячэбна-працоўны прафілакторый…

Падводзячы вынік убачанаму, можна сказаць так: у любой справе яе поспех вырашае неабыякавасць і адказнасць самога чалавека. Зіма — кантралёр строгі і не даруе халатнасці. Таму тым, хто яшчэ па нейкіх прычынах не паспеў належным чынам падрыхтавацца да яе, раім зрабіць гэта ў самы бліжэйшы час. Пачысціце коміны печаў, адрамантуйце іх, паклапаціцеся аб наяўнасці топкавага ліста і раздзелкі, не перанапальвайце печы і не захоўвайце на гарачых ляжанках рэчы. Праверце сваю праводку, пры неабходнасці памяняйце яе, не перагружайце падключэннем залішніх магутных электрапрыбораў. Забараняйце свавольства з агнём і электрычнасцю дзецям, сачыце за іх паводзінамі. Памятайце, што нават самая невялічкая дробязь можа аказацца для вас трагедыяй, калі ставіцца да справы абыякава. Няхай зіма будзе для вас спакойнай і ўтульнай.