- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Урокі бяспекі для першакласнікаў Мядзельшчыны
“Нараджэнне дзіцяці – гэта вельмі важны крок у жыцці кожнага чалавека. Выхоўваючы дзяцей, цяперашнія бацькі выхоўваюць будучую гісторыю нашай краіны, а значыць – і гісторыю свету”, – так у свой час сказаў педагог і пісьменнік Антон Сямёнавіч Макаранка, і гэтыя словы добра вядомыя работнікам Міністэрства па надзвычайных сітуацыях. Бо дзеці - гэта наша будучыня. Сёння мы павінны прыкласці максімум намаганняў для таго, каб гэта будучыня была мірнай і бяспечнай.
1 верасня выратавальнікі направіліся ва ўстановы адукацыі Мядзельшчыны, каб павіншаваць вучняў з пачаткам навучальнага года. Гэты дзень яны прысвяцілі ў першую чаргу тым, хто ў першы раз пераступіў школьны парог і апынуўся за партай. Першакласнікі – самая ўразлівая катэгорыя навучэнцаў, якім толькі-толькі трэба будзе адаптавацца да школьнага жыцця. Цяжкасці пільнуюць яго ўжо ў самыя першыя дні навучання ў школе, гэтыя дзеці больш за ўсіх схільныя знешняму ўплыву.
Што такое надзвычайная сітуацыя? Якія існуюць крокі выратавання? Якія небяспекі могуць паўстаць у грамадскіх месцах і ў транспарце, у жыллі і на прыродзе? Які нумар неабходна набрать, калі табе патрэбна дапамога? На гэтыя і многія іншыя пытанні работнікі Мядзельскага раённага аддзела па надзвычайным сітуацыях адказалі на ўроках бяспекі, якія правялі ў гэты дзень ва ўстановах адукацыі ў рамках акцыі “У цэнтры ўвагі – дзеці!”.
Гутаркі праходзілі весела і жыва, але галоўнае, што засвоілі першакласнікі, – не грэбаваць правіламі бяспекі, бо ад іх залежыць жыццё і здароўе.