- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Слуцкія выратавальнікі – аб бяспецы дзецям: кажам і паказваем!
Прывіваць чалавеку ў раннім узросце асновы бяспекі жыццядзейнасці – гэта значыць закладваць у яго будучыню жыццёвую ўпэўненасць і самастойнасць. У Слуцкім раёне вельмі актыўна праводзіцца работа ў гэтым кірунку.
У рамках рэспубліканскай акцыі "Канікулы без дыму і агню!" слуцкія ратавальнікі правялі заняткі па асновах бяспекі жыццядзейнасці, якія накіраваны на падрыхтоўку дзяцей да дзеянняў ва ўмовах надзвычайнай сітуацыі рознага віду. Таксама для рабят была арганізавана экскурсія па пажарнай аварыйна-выратавальнай частцы, якія наведваюць прышкольны лагер у ДУА «Сярэдняя школа № 11 г. Слуцка». Начальнік змены ды камандзір аддзялення з задавальненнем паказалі вучням і педагогам каравульныя памяшканні, спартыўную залу, пакоі адпачынку пажарных, якія заступілі на дзяжурную змену. Дзецям было вельмі цікава паслухаць пра тое, як ажыццяўляецца служба ў падраздзяленнях. Падчас правядзення экскурсіі па пажарнай частцы дзеці былі вельмі актыўныя і дапытлівыя, усім, без выключэння хацелася не толькі ўбачыць, але і прымерыць прадметы баявога адзення на сябе. Вялікае ўражанне выклікала пажарная тэхніка, хлопчыкі і дзяўчынкі змаглі пасядзець у кабіне пажарнага аўтамабіля і на імгненне адчуць сябе сапраўднымі ратавальнікамі. Пажарныя прадэманстравалі абсталяванне аўтамабіляў, якое прымяняецца пры тушэнні пажараў.