- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
У цэнтры ўвагі… (Стаўбцоўскі раён)
Краму «Дзіцячы свет» у горадзе Стоўбцы смела можна лічыць «сябрам школьнікаў і іх бацькоў»: сюды напярэдадні новага навучальнага года за набыццём школьных тавараў накіроўваюцца амаль усе жыхары раёна. Таму менавіта адсюль і ўзяла свой старт акцыя «У цэнтры ўвагі – дзеці!». Ратавальнікі Стаўбцоўшчыны на некалькі дзён сталі паўнапраўнымі работнікамі ў сферы гандлю: аднак, прапануюць яны пакупнікам не проста школьны тавар, а «тавары бяспекі», напрыклад, аўтаномны пажарны апавяшчальнік, а таксам - веды…веды пра правілы бяспечных паводзін. Так, падчас пакупкі дзеці і дарослыя маюць магчымасць пагутарыць з ратавальнікамі, прыняць удзел у віктарыне, разгледзець пэўную надзвычайную сітуацыю і, канешне, атрымаць падарунак на памяць. Што тычыцца бацькоў, то для іх сустрэчы з ратавальнікамі – гэта яшчэ адзін напамін пра тое, што дзяцінства павінна быць шчаслівым і бяспечным, і адказваюць за гэта, у першую чаргу, бацькі.
На першым этапе акцыі да мерапрыемстваў далучыліся і актывісты раённага аддзялення Беларускага рэспубліканскага саюза моладдзі, якія таксама лічаць, што жыццё кожнага з нас абавязкова павінна быць бяспечным. А ратавальнікі, між іншым, не засталіся абыякавымі да дабрачыннай акцыі «У школу з добрым сэрцам» і папоўнілі «Скрыню дабрыні» тэматычнымі раскладамі заняткаў, закладкамі і размалёўкамі.
Першы этап акцыі будзе доўжыцца да 1 верасня, таму ў кожнага з нас ёсць яшчэ магчымасць набыць неабходныя школьныя тавары, а разам з імі і веды пра бяспечныя паводзіны!