- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Каб захаваць хлеб новага ўраджаю ад пажараў (Мядзельскі раён)
Надвор’е гэтым летам не адзін раз прыносіла сюрпрызы ў выглядзе штармавых папярэджанняў, засухі, граду і ліўняў. Што стварыла няпростыя ўмовы не толькі для збору, але і захавання ўраджаю. Тым не менш поўным ходам ідзе на Мядзельшчыне жніво.
Кіраўнікі і спецыялісты гаспадарак робяць усё, каб уборка прайшла ў сціслыя тэрміны і з незалежнай якасцю. Для гэтага клапоцяцца, каб тэхніка не прастойвала на палетках па прычыне адсутнасці паліва і запчастак. Каб людзі былі забяспечаны ўсім неабходным, у тым ліку і гарачым харчаваннем. А для работнікаў органаў і падраздзяленняў па надзвычайных сітуацыях адна з галоўных задач у гэты час – папярэджанне пажараў і іншых надзвычайных здарэнняў.
Якія меры прымаюцца на месцах, каб жніво праходзіла арганізавана і на належным узроўні? Як ажжыццяўляецца дапрацоўка збожжа? Ці выконваюцца на палетках і на збожжатаках правілы пажарнай бяспекі? Адказы на гэтыя і некаторыя іншыя пытанні паспрабавалі высветліць падчас чарговага рэйдавага мерапрыемства месцаў уборкі, перапрацоўкі і захоўвання ўраджаю работнікі Мядзельскага раённага аддзела па надзвычайных сітуацыях. Для гэтага з самага ранку ў нядзелю 01 жніўня направіліся туды, дзе кіпіць праца.
Пабывалі ў гэты дзень шмат дзе: на палях, зернесушыльных комплексах і складах. Праверцы падлягалі ўсе пытанні: пачынаючы з ведаў работнікамі правілаў пажарнай бяспекі і заканчваючы ўкамплектаванасцю камбайнаў і зернесушыльных комплексаў першаснымі сродкамі пажаратушэння.
Акрамя гэтага былі праведзены прафілактычныя гутаркі з кіраўнікамі і службовымі асобамі сельгаспрадпрыемстваў, бо менавіта яны нясуць адказнасць за ўраджай і выкананне патрабаванняў пажарнай бяспекі падчас уборачнай кампаніі. Камбайнеры і механізатары, аператары зернасушыльных комплексаў праінструктыяваны аб мерах пажарнай бяспекі падчас уборачнай кампаніі.
Уборка збожжавых культур пройдзе на Мядзельшчыне паспяхова, без нясчасных выпадкаў, а таксама без страт ад агню вырашчанага ўраджаю, калі ўсе ўдзельнікі жніва будуць выконваць правілы пажарнай бяспекі.