- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Лета і бяспека нашых дзяцей (Мядзельскі раён)
Забяспечыць бяспеку дзяцей летам у першую чаргу задача дарослых. З мэтай папярэджання надзвычайных сітуацый, звязаных з узнікненнем пажараў па прычыне дзіцячага свавольцтва з агнём, а таксама гібелі дзяцей на вадаёмах у рамках акцыі “Канікулы без дыму і агню” работнікі Мядзельскага раённага аддзела па надзвычайных сітуацыях штодня наведваюць аздараўленчыя лагеры. Але ж бяспечныя мерапрыемствы праходзяць і па-за стенамі аздараўленчых лагераў…
Стала ўжо добрай традыцыяй на Мядзельскім гарадскім пляжы штогод святкаваць Дзень вады, які ў гэтым годзе адбыўся 31 ліпеня. Не засталіся ў старане і ратавальнікі, якія размясцілі пляцоўку “Бяспечнае лета”. Там можна было сфатаграфавацца з роставымі лялькамі – гэтым ужо нікога не здзівіш, але ж ахвотнікаў займець фота з каларытнымі сабакам Маршалам і Вогнетушыцелем заўсёды хапае. Акрамя гэтага тутэйшай дзятве было прапанавана патушыць умоўны пажар (збіць вадзяным струменем мяч) і, надзеўшы адмысловы шлем, адчуць сябе сапраўдным пажарным у задымленай палатцы. “Крута! У мінулым годзе спрабаваў і ў палатку зайсці, і “пажар патушыць”, але кожны раз, як першы” – дзяліліся ўраджаннямі жыхары і госці Мядзельшчыны. Вось і адпачываючыя з санаторыя “Белая Русь” наведалі свята. “Дачушка глядзі, машына другая, цёця ў форме тая ж” – усміхаецца мужчына. Так, прыгледзеўшыся, і я пазнаю знаёмыя твары – днямі праводзіла мерапрыемства ў санаторыі, але ж тут прапанаваны крыху іншыя варыянты мерапрыемства. Запрашаю прайсці ў задымленае памяшканне. Спачатку дзяўчынка крыху сумнявалася, але потым з задавальненнем падзялілася сваімі ўраджаннямі. “Нічога не было відаць, рухалася навобмацак. Але зусім не страшна”.
Не засталіся ў старане і бяспечным лакацыі…падчас мерапрыемства з дзецьмі і бацькамі праведзена гутарка аб правілах паводзін пры ўзнікненні розных надзвычайных сітуацый, аб правілах выкліку службы выратавання, прапанаваны пытанні віктарыны, на якія рабяты адказвалі з вялікім задавальненнем і энтузіязмам.