- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Захаваць ураджай – задача кожнага (Стаўбцоўскі раён)
Штодзённыя рэйдавыя мерапрыемствы па месцах уборкі, перапрацоўкі і захоўвання збожжавых культур, зернесушыльных комплексаў накіраваны на тое, каб звесці да мінімуму рызыку ўзнікнення пажару. Канешне, немагчыма прадугледзець усе надзвычайныя сітуацыі, таму з работнікамі, задзейнічанымі на ўборцы, праводзяцца дадатковыя інструктажы аб неабходнасці выканання патрабаванняў пажарнай бяспекі. Акрамя таго, ратавальнікі нагадваюць і алгарытм дзеянняў падчас узнікнення пажара, і правілы карыстання першаснымі сродкамі тушэння. Асаблівая ўвага надаецца тэхніцы, якая працуе ў полі: наяўнасць у поўным аб’ёме першасных сродкаў пажаратушэння, дзяжурства тэхнікі, прыстасаванай для тушэння пажараў.
– Мэта нашых рэйдавых мерапрыемстваў – гэта не напужаць, – адзначае начальнік Стаўбцоўскага райаддзела па надзвычайных ситуацыях Андрэй Герасіменка. – Усе мы разумеем, што захаванне ўраджаю – галоўная задача на сённяшні дзень. Таму і падыходзіць да яе вырашэння неабходна з усёй адказнасцю. І адказнасць павінна быць, як уласная, так і агульная.
Канешне, рэйдавыя мерапрыемствы, як і кожны год, будуць праходзіць штодзенна. Аднак кожны павінен разумець: бяспечна не там, дзе правяраюць, а там, дзе не парушаюць!