- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Чым запомніўся летні дзянёк для занарацкай рабятні (Мядзельскі раён).
Лета – выдатная пара адпачынку: весёлых гульняў, паходаў у лес, купання і набыцця задору і добрага настрою. Гэта слаўныя дзянькі, калі няма вучобы і, адпаведна, адсутнічае вострая неабходнасць прачынацца па будзільніку строга ў шэсць і рабіць справы. Але, як не дзіўна, на канікулах таксама ёсць пра што паклапаціцца. І гаворка, безумоўна, не пра вучобу ....
Кожнае дзіця, незалежна ад узросту і шырыні размаху планаў на канікулы, абавязаны ведаць некалькі простых правіл бяспекі падчас адпачынку. Бо, калі паглядзець з другога боку, лета - гэта час, калі небяспека тоіцца ў вадзе, у лесе, на пляжы, на спартыўнай і дзіцячай пляцоўках.
Таму работнікі Мядзельскага раённага аддзела па надзвычайных сітуацыях штодня наведваюць аздараўленчыя лагеры, якія дзейнічаюць на тэрыторыі раёна, каб нагадаць невялікі спіс правілаў бяспечных паводзін.
Але ж не толькі ратавальнікі “ходзяць у госці”…бывае і наадварот – хлопчыкі і дзяўчынкі наведваюць ратавальнікаў. Менавіта так адбылося днямі і выхаванцы аздараўленчага лагера, які дзейнічае на базе Занарацкай сярэдняй школы прыйшлі ў госці да ратавальнікаў. Чым жа запомнілася мерапрыемства? Рабяты прайшлі сапраўдную школу юнага ратавальніка, але пра ўсё па парадку. У пачатку мерапрыемства начальнік пажарнага аварыйна – выратавальнага паста № 11 в.Занарач азнаёміў усіх прысутных “са сваімі ўладаннямі”: расказаў пра распарадак дня ратавальніка, азнаёміў з пажарнай тэхнікай і рыштункам. Але ж, вядома, каб стаць сапраўдным ратавальнікам неабходна быць смелым, фізічна падцянутым, а таксама валодаць пэўнымі ведамі. Таму наступным этапам мерапрыемства ў рамках акцыі “Канікулы без дыму і агню” стала гульня “Школа юнага ратавальніка”, на першым этапе якой дзеці на хуткасць адказвалі на пытанні віктарыны. Затым паказалі свае фізічныя здольнасці ў цікавай і рухавай эстафете і на завяршальным этапе змаглі “патушыць” умоўнае загаранне рознымі па прызначэнню стваламі.
З усмешкамі на тварах і падарункамі ў руках хлопчыкі і дзяўчынкі пакінулі пажарнае аварыйна – выратавальнае падраздзяленне.